AZI’NÉ 6
Aziè la’né a si ntchiitè épouô épi lé kwheuté?
1. É wuè nkeu mbông si ntchiitè épouô épi lé kwheuté?
Yésso lé ghé kouô Béthanie éyi paatè Jérusalem, mbô éssoo yi Lazare ké kwheu tè mbô a ghô mélé’é lékoua. Yésso lé gheuô léssi Lazare pô Marthe ngheuè Marie, épô mémia mpfhou. A lèè nzèè té nang, ala’a épouô pou ntchou’té. Tè o ghô kwang pa’ Marthe pô Marie lé jou’ ngô poup afœu’ zi Yésso lé zimnè Lazare?—Tông-ô Jean 11:21-24, 38-44.
Marthe lé nông-ô nzhè nkeu mbông éyi tchiité mépfhou. A lé nzhè nguè Joovah shi’ zimné mépfhou tè pô zeung nang-a ndoo sitsa’.—Tông-ô Job 14:14, 15.
2. Gning-è kwheu a, ntchi’è akô?
Ndem lé leuè mbou Adam nguè: ‘O si ngô avôp, é shi’ ping nzeum mè avôp.’—GENÈSE 3:19.
Ndem lé lôkô avôp té mbôô épouô ménông. (Genèse 2:7; 3:19) Mpè té si ngô méjwakné épi nangtè nteu mbapnèt-è. Mpè si ngô épouô ménông. Ndôkô nguè mpè nang té nkwheu a, amô’ô ajouô ndè’è pou té fhô anè pimpè ntouô. Mpè kwheu pa’a, épông-athou zimpè kwheuè zi, tè mbô mékwangté mimpè zeung mbou mii zôp. Poup tè, Lazare lé zim, a té shoung nguè yi lé kwheu a, ngueô mé mô’ aji’è, mela’mi mépfhou té azou zhè.—Tông-ô Psaume 146:4; Ecclésiaste 9:5, 6, 10.
Tè Ndem a ghéné épouô épi kwheu, a nteu ala’a mmôk-é? Biible zi’né nguè, épouô épi lé kwheuté pou té zè ngwuè amô’ô akwangtè; ndôkô nguè, ala’a mmôk si ngô nza’ mélaa émi lôôté lézeung Ndem. Lé zi nkwangté a lé lôk mmôk nguené épouô ménông nda’, a pou mbeuk-è yi tè’.—Tông-ô Jérémie 7:31.
Jiô vidéo Gning-è kwheu a, ntchi’è akô?
3. Tè épouô pi lé kwheuté, é ghô shoung-nè mbou pimpè?
Mépfhou é té shoung-né, mbing té ji’ jou’. (Psaume 115:17) Téta’, mô’ mé ange épi bat-é, é mô’ éfœu’ nkœuè nèt épouô pi lé kwheuté ndôk shoung-né a mbou épouô ménông. (2 Pierre 2:4) Joovah lœu’ nguè mè zi ntra lé shoung-né a mbou mépfhou.—Tông-ô Deutéronome 18:10, 11.
4. Awô shi’ zimné?
Épouô té ngô mémillion épi lé kwheuté shi’ zimné tè zeung nang-a ndoo sitsa’. Mbô émô’ épouô pi lè fœu’tè ménou tépông, té zhè Ndem, é shi’ zeung zimnè zôp.—Tông-ô Luc 23:43; Actes 24:15.
Épouô pi shi’ zimné, shi’ wè éshheu a wôp lélôk nzi’nè anouneu anè Ndem, é ping jou’ ntchou Yésso é lôk tsui yi aveung-è nteu zôp. (Révélation 20:11-13) Épouô pi shi’ zimné é ping ghôk méfa’ mbông, é shi’ wè lénang temi a ndoo sitsa’.—Tông-ô Jean 5:28, 29.
5. Lézimné zi’nè yimpè akô anè Joovah?
Ndem lé touô Meung yi a shi’ nkwheu, ndôk ngheu nguè ala’né anè lézimné a pooté. Lézimné, a zi’nè yimpè azou anè mia nkông-né zi Joovah wè pô ntang-a té kou’ ézi a ya. O si nkông-ô lé tswhi njiô awô éfœu’ zi mè zimné mépfhou?—Tông-ô Jean 3:16; Romains 6:23.
