AZI’NÉ 4
Yésso Kristo a si ngô awô?
1. Lénang Yésso lé zii lèkô?
Yésso lé wè émiè méntsi émi lè ngheuè épouô kông-ô lé tshoutè nèt mbaatè yi?—MATTHIEU 11:29; MARC 10:13-16.
Lénang Yésso é tswhi anè étsi épouô ménông, mela’mi a léghé zii nang-a theuè lepwhou ngô ajwakné, tè mè ping shi’ nzhiè yi a ndoo sitsa’. (Jean 8:23) Ndem lé zii mvhô mbôô yi, a ping nkuitè yi anè lépôô nkwa métsoo. A si ngô nda’ gning yi Joovah yi ngnwèt mè lé pôô, mela’poup tè mè pôngtè lé tông yi lè “Nda’ môô, éyi yi ngnwèt lé pôô”. (Jean 1:14) Yésso lé ghôk pa’ Ntsui nkeu Ndem, poup tè mè pôngtè lé tông-ô yi lè “Ashoung-né.”—Tông-ô Proverbes 8:22, 23, 30; Colossiens 1:15, 16.
2. Yésso lé shi’è ndoo sitsa’ mela’akô?
Ndem léghé touô meung yi a ndoo sitsa’, nfhô atheuè lepwhou, ntsakné lénang tsi neung a leveum Marie, môô la’a juif éyi lé zèè té zhè gning mbang-a. Ndôk ndeuè nguè mô’ô yi lè té gning nông-ô. (Luc 1:30-35) Yésso lé shi’è ndoo sitsa’ (1) nzi’né épouô ménông anouneu anè Ndem, (2) nguiè yimpè éfœu’ anè pa’ mè ghô gheuè lékông Ndem poup mbô fœu’ zi mémia ménguengue é ghô assi, mbing (3) nguiè lénang tsi, étsi lè tè alô’ pa’ “Njouô-thou.”—Tông-ô Matthieu 20:28.
3. Njouô-thou lé nông nking-è a mbou épouô métseum mela’akô?
Njouô-thou si ngô nzwing éyi mè pèè, té ndôk nkui gning yi lépeu si nzètè nguè mè zwhuè yi. (Exode 21:29, 30) Ndem lè té pôô épouô ménông nguè pô shi’ nzwing mbing nkwheutè. Mpè ghaa té nzhè poup-é? Ndem lé leu a mbou mvhô gning mbang-a, Adam, nguè a “faa”, mbô a kwheu. Ndôk nguè, Adam lé wu’é a té faa, mbô a léghô a lé la’ nkwheuè. (Genèse 2:16, 17; 5:5) Pa’ Biible leu la, legwheu lé fhô anè Adam tè mbou “nkouô” anè épouô ménông ntseum. Adam lôk ntsakné méfaa pô legwheu, é neung anè ngwuèt zi ntseum. A lé nông-ô nzètè nguè Njouô-thou a kui yimpè a mbou legwheu éyi fhô anè Adam.—Tông- ô Romains 5:12; 6:23.
Awô lé ghô kou’ô yi lé yè Njouô-thou té ndôk nkui yimpè mbou legwheu? Gning-è nang té nkwheu a, ndôk mbou mbiè deuk méfaa mi nda’. Gning mè alô’, a lé ghô a lé kou’ô yi lé jouô méfaa émô’ épouô.—Tông-ô Psaume 49:7-9.
4. Yésso lé kwheu mela’akô?
Yésso lè té pa’ pimpè, mela’mi a lè tè alô’. Ndôk nguè a lé ghô a lé kwheu mela’ méfaa mi—a lè té neung-è lé’é faa. Téta’, a lé ping nkwheu mela’ méfaa épouô méndè’è. Ndem lé tsui nkông-né té mô’ a mbou épouô ménông pa’ a lé touô meung yi nguè a kwheu ndôk njouô athouô zimpè. Yésso lé zeung ntsui zi nkông-né a mbou pimpè pa’ a lé jou’ ntchou mô’ô yi, nguiè lénang tsi mela’ méfaa mimpè.—Tông-ô Jean 3:16; Romains 5:18, 19.
Jiô vidéo Yésso lé kwheu mela’akô?
5. Yésso si ngheuè akô anè aya’a?
Afœu’ zi Yésso lè ndoo sitsa’, a lé pèt méghôô, nzimné mépfhou, mbing nkuité épouô pi lè nteu ngueô’. A lé gheu poup ndôk ntsui ajoumi a shi’ gheu a mbou épouô pi jou’ ntchou Ndem, anè mélé’é mbông émi si shi’è. (Matthieu 15:30, 31; Jean 5:28) Yésso lé kwheu, Ndem zimnè yi, a ping nzeung ntchi’è ajwakné. (1 Pierre 3:18) Yésso lé ping nang apou teue Ndem, nzu’té tè A la’ nguiè yi pawa a lélôk sa’ sitsa’ ntseum. (Hébreux 10:12, 13) Anè aya’a, Yésso ghô theuè lepwhou nông sa’a, mézingto pi nông-ô mbheuè ménkeu mbông mèt a nteu ngông ntseum.—Tông-ô Daniel 7:13, 14; Matthieu 24:14.
Nkwa pia, Yésso lôkô pawa Lefô tsi, é gheu tè ngueô’ ntseum é pou mii, é ping pik méghang taka-taka. Nkwa épouô pi jou’ ntchou ndôk ntsui aveung-è nteu zôp a mbou Yésso, shi’ nang mé lékak a nteu paradissi a ndoo sitsa’.—Tông-ô Psaume 37:9-11.
