Ǹjẹ́ Àwọn Òkú Lè Jíǹde?
Kí ni ìdáhùn rẹ?
-
Bẹ́ẹ̀ ni.
-
Bẹ́ẹ̀ kọ́.
-
Kò dá mi lójú.
OHUN TÍ BÍBÉLÌ SỌ
“Àjíǹde . . . yóò wà.”—Ìṣe 24:15, Bíbélì Ìtumọ̀ Ayé Tuntun.
ÀǸFÀÀNÍ TÓ O MÁA RÍ
Ó máa tù ẹ́ nínú tí èèyàn rẹ bá ṣaláìsí.—2 Kọ́ríńtì 1:3, 4.
Kò ní jẹ́ kó o máa bẹ̀rù ikú.—Hébérù 2:15.
Á mú kó dá ẹ lójú pé wàá pa dà rí àwọn èèyàn rẹ tó ti kú.—Jòhánù 5:28, 29.
ṢÉ A LÈ GBA OHUN TÍ BÍBÉLÌ SỌ GBỌ́?
Bẹ́ẹ̀ ni. Mẹ́ta lára ìdí tó fi yẹ ká gba ọ̀rọ̀ Bíbélì gbọ́ rèé:
-
Ọlọ́run ni Ẹlẹ́dàá ohun gbogbo. Bíbélì pe Jèhófà Ọlọ́run ní “orísun ìyè.” (Sáàmù 36:9; Ìṣe 17:24, 25) Ó dájú pé Ẹni tó lágbára láti dá ohun gbogbo lágbára láti jí òkú dìde.
-
Ọlọ́run ti jí àwọn òkú dìde rí. Bíbélì sọ̀rọ̀ nípa èèyàn mẹ́jọ tí Ọlọ́run jí dìde, ọkùnrin, obìnrin, ọmọdé àti àgbà wà lára wọn. Kò pẹ́ rárá tí àwọn kan lára wọn kú tí wọ́n fi jíǹde, àmọ́ ọ̀kan wà lára wọn tó jẹ́ pé odindi ọjọ́ mẹ́rin ló ti wà nínú ibojì!—Jòhánù 11:39-44.
-
Ó ń wu Ọlọ́run pé kó jí àwọn òkú dìde. Jèhófà kórìíra ikú, ó kà á sí ọ̀tá wa. (1 Kọ́ríńtì 15:26) Ó fẹ́ ṣẹ́gun ikú tó jẹ́ ọ̀tá wa pátápátá, torí náà ó máa jí àwọn òkú dìde. Ó ń wù ú gan-an pé kó jí gbogbo àwọn tó wà nínú ìrántí rẹ̀ dìde, ó sì fẹ́ kí wọ́n tún wà láàyè lórí ilẹ̀ ayé.—Jóòbù 14:14, 15.
RÒ Ó WÒ NÁ
Kí nìdí tá a fi ń darúgbó tá a sì ń kú?
Bíbélì dáhùn ìbéèrè yìí nínú ìwé JẸ́NẸ́SÍSÌ 3:17-19 àti RÓÒMÙ 5:12.
O Tún Lè Wo
ÀWỌN Ẹ̀KỌ́ PÀTÀKÌ INÚ BÍBÉLÌ
Kí Ló Ń Ṣẹlẹ̀ sí Àwọn Tó Ti Kú?
Bíbélì sọ pé ìgbà kan ń bọ̀ tí ọ̀pọ̀ èèyàn máa jí dìde, gẹ́gẹ́ bí Lásárù ṣe jí dìde.
OHUN TÍ BÍBÉLÌ SỌ
Kí Ni Àjíǹde?
Ó lè yà ẹ́ lẹ́nu tó o bá mọ àwọn tí Bíbélì sọ pé Ọlọ́run máa jí dìde.
ILÉ ÌṢỌ́
Bó Ṣe Lè Dá Ẹ Lójú Pé
Bíbélì fún wa ní ẹ̀rí méjì tó fẹsẹ̀ múlẹ̀ tó mú ká gbà pé àjíǹde dájú.
NÍPA WA
Kí Nìdí Tó Fi Yẹ Kó O Kẹ́kọ̀ọ́ Bíbélì?—Èyí Tó Gùn
Bíbélì ń ran ọ̀pọ̀ mílíọ̀nù èèyàn kárí ayé lọ́wọ́ láti rí ìdáhùn sí àwọn ìbéèrè pàtàkì nípa ìgbésí ayé. Ṣé ìwọ náà á fẹ́ jẹ́ ọ̀kan lára wọn?
