UMBUESÁ 3
Mayé repoderi remukaturu yepé problema?
“Turusú perikuté peyugustari, ñhãsé kuá gustarisá uyumimi siya puxiwerawaá.” — 1 Pedro 4:8
Mairamé remendari amuramé pesú pesasá iwasuwaá rupí. Usasá kuayé ñhãsé pañhe yandé yamanduári amurupí. Amuramé yasasá iwasuwaá rupí tiwaá upé yasarú.
Amuramé yamaã iwasú, ma Bíblia umbeu yarikuté yamukaturu yané problema. (Mateu 5:23, 24) Yapoderi yamuñhã kuayé yasikari ramé yasendú Bíblia conselho.
1 REKUNTARI KUÁ PROBLEMA RESÉ
MAÃ BÍBLIA UMBEU: ‘Aikué yepé tempo yakuntari arama.’ (Eclesiastes 3:1, 7) Sá aikué yepé problema reyuka tempo rekuntari arama sesé. Rekuntari ne piá suí mayé reyusaã kuá resé ne mena u ne rimirikú irum. Rekuntariwara supiwaá irum. (Efezowaraitá 4:25) Até mairamé ne piaíwa te peyuyaká. Rekuntari ramé paciência irum usú uajudari ti arama peyuyaká. — Provérbios 15:4; 26:20.
Até ti ramé pemanduári yepewasú yepé maã resé, peyukuntari respeito asuí saisusá irum. (Kolosowaraitá 4:6) Resikari remukaturu kutara kuá problema. — Efezowaraitá 4:26.
MAÃ REPODERI REMUÑHÃ:
-
Resikari ma hora puranga piriwaá pekuntari arama kuá problema resé.
-
Resikari rekirirí mairamé ne mena u ne rimirikú ukuntari uikú. Ariré repoderi rekuntari yuíri.
2 RESENDÚ NE PIÁ SUÍ
MAÃ BÍBLIA UMBEU: “Pegustari amuitá kuayé peyugustariwaá yawé peñhe pawaté.” (Romawaraitá 12:10) Importante retana resendú ne piá suí. Resikari remaã pirasúa ne mena u ne rimirikú asuí reentenderi mayé aé umanduári. (1 Pedro 3:8; Tiago 1:19) Te resendú amú kití ukuntari ramé uikú. Repituú remuñhãwaá reikú asuí resendú maã ne mena u ne rimirikú umbeuwaá u repurandú ixupé sá pepoderi pekuntari kuá resé ariré xinga. Mairamé umendariwaitá aintá yepewasú, ti ta uyumaramuñha. — Eclesiastes 7:9.
MAÃ REPODERI REMUÑHÃ:
-
Resendú ne piá suí, até ti ramé regustari maã resé umbeuwaá.
-
Resikari rekuá maã ne mena u ne rimirikú uputari umbeu mayé ukuntariwaá rupí.
3 REMUÑHÃ MAYÉ BÍBLIA UMBEU
MAÃ BÍBLIA UMBEU: ‘Yarikú purangawaá yapurakí ramé, ma añhũ yakuntari umuñhã yandé pirasúa.’ (Provérbios 14:23) Puranga yakuntari ramé kuá problema resé, ma yaprecisari yamuñhã piri, yarikuté yasikari yamukaturu kuá problema. Supité yarikuté yamuñhã esforço turusú, ma puranga yamuñhã ramé kuayé. (Provérbios 10:4) Pesikari ramé yepewasú pemukaturu kuá problema pesú pesasá puranga. — Eclesiastes 4:9.
MAÃ REPODERI REMUÑHÃ:
-
Remanduári maã pepoderi pemuñhã pemukaturu arama kuá problema.
-
Resikariwara rekuá ne suité sá pemuñhã peikú purangawaá.
