Umbá. Jesus aé yepésá Jeová umuñhãwaá kuera. Aé yepé anjo kuera asuí uviveri iwaka upé, úri rundé iwí kiti. (João 8:23) Jesus uajudari ipaya umuñhã arama pañhe maã. Bíblia umbeu Provérbios 8:22, 23, 30 upé: “Jeová umuñhã ixé pañhe maã rundé, yepésá umuñhãwaita suí kuxiíma. Umuñhã ixé kuxiíma suíwara, uyupirungá upé, aikué rundé kuá iwí.” “Aiku kuera isuaki mayé awá upurakiwaá ixupé puranga. Uyusaã surí se irum muíri ara, se ruríwara kuera aiku isuaki.” Bíblia upé ta useruka aé “yepéñhuwaá”. Kuá uxári yakuá ne awá uajudari Jeová umuñhã arama Jesus. (João 1:14) Bíblia upé ta useruka aé yuíri “ñheenga upakawaá”, ñhasé aé umusasá kuera Deus Ñheenga amuita supé arama.​—Releri Kolosowaraita 1:15, 16.

Jesus úri iwí kiti umuñhã arama musapíri maã. (1) Umbué arama supiwaá Deus resé, (2) uxári arama yakuá mayé yamuñhã arama Deus vontade até yasasá ramé iwasuwaá rupí, asuí (3) umeẽ ivida pecadoimawaá yané rupí usalvari arama yandé. Mayé Jesus úri iwí kiti? Deus umundú itaíra espírito santo rupí, asuí yepé kuñhã, tiréwaá usasá yepé apigá irum, iserawaá Maria, upitá ipuruã. Kuá taína piranga aé Jesus. — Luka 1:30-35.​—Releri Mateu 20:28.

Yaprecisari ta uyuka yané suí pecado ti arama yamanu. Deus umuñhã ramé Adão, ti uputari kuera miraita ta upitá tuyué  asuí ta umanu. Aé uputari kuera Adão usendu aé asuíwara uviveri ma pañhe ara. Ma Adão ti usendu Deus. (Gênesis 2:16, 17; 5:5) Adão resewara pañhe yandé yariku pecado asuí yamanu. Yawéwaá resewara yaprecisari ta uyuka yandé yané pecado suí ti arama yamanu. — Êxodo 21:29, 30.​—Releri Romawaraita 5:12; 6:23.

Ape, awá upuderi uyuka yané suí yané pecado ti arama yamanu? Añhu yepé mira pecadoimawaá.​—Releri Mateu 16:26.

Jesus umanu usaisu resewara miraita. Aé ti umanu umuñhã resewara pecado, aé yepé mira purangawaá. Yawéwaá suíté usendú ipaya asuí umanu uyuka arama yandé pecado suí. Jesus umuñhãwaá rupí Deus uperduari miraita pecado. Deus uxári yakuá usaisuwaá yandé umundu ramé kuera itaíra uyuka arama yandé pecado suí.​—Releri João 3:16; Romawaraita 5:18, 19.

Remaã kuá vídeo Marã Taá Jesus Umanu?

Jesus, aé yepé Rei asuí uguvernari uiku iwaka upé. Uiku ramé kuera Iwí upé Jeus umbaka umanuwaita, umupuranga masiwaita asuí uajudari awáita ta upurará. (Mateu 15:30, 31; João 5:28) Umanu riré Deus umpaka aé uviveri arama iwaka upé. (1 Pedro 3:18) Jesus usaru até Jeová uñheẽ ixupé mairamé uyupiru arama uguvernari. (Ebreoita 10:12, 13) Yané tempo upé siya miraita pañhe mundo upé usendu aé asuí umbué amuita aé yepé Rei. Maã purangawaita Jesus umuñhãwaá iké Iwí upé uxári yakuá maã usu kurí umuñhã.​—Releri Luka 1:32, 33; Mateu 24:14.

Ikentuwana Jesus usu umbawa puxiuerawaita irum asuí ne awá usu kurí upurará. Awá uruyari asuí usendu Jesus usu uviveri pañhe ara kuá paraíso upé Iwí upé. Bíblia umbeu Salmo 37:9-11 upé: “Puxiuerawáita ta usu kurí ta ukañhemu, ma usaruwaita Jeová rupí, ta supé kurí kuá iwí. Kuayentuwana, ti arama yamaã puxiwerawaita; remaã kurí mamé aintá ta uikuwaá kuera, ma tiã kurí ta uiku ape. Ma miraita purangawaita ta usu ta uviveri iwí upé asuí ape ta usu ta uiku surí asuí yepéwasu.”