Jeová ñheenga kuá Bíblia. Ape yawasému kuá ñheenga purangawaá yapuderiwaá yaviveri pañhe ara Iwí upé. (Salmo 37:29) Pañhe Bíblia upé aikué 66 livroita. Deus uparawaka 40 apigáita ta umupinima arama Bíblia. Yepé ta suíwara isera Moizé. Usasáwana 3.500 akayu Moizé umupinima riré 5 primeiro Bíblia livroita. Usasáwana 2 mil akayu apóstolo João umupinima riré añhu aramawaá Bíblia livro. Mayé ta ukuá kuera maã ta umupinima arama? Iespírito santo rupí Deus ukuntari ta irum. (2 Samuel 23:2) Yawé arama, maã Bíblia umbeuwaá úri Deus suíwara, umbá apigáita suíwara.​—Releri 2 Timóteo 3:16; 2 Pedro 1:20, 21.

Remaã kuá vídeo Awá umuñhã Bíblia?

Yapuderi yakuá Bíblia Deus suíwara ñhasé ukuntari pañhe maã resé usu aramawaá kurí usasá. Maã umbeuwaá uyumuñhã mayé umbeuwaá yawé. Ne awá yané suíwara upuderi umuñhã kuayé. (Josué 23:14) Añhu Deus upuderiwaá pañhe maã suí, upuderi umbeu maã usu usasá yané rundé kiti.​—Releri Tito 1:2.

Yepé livro uriwaá Deus suí, yasaru yamaã aé puranga píri amu livroita suí, ti será? Yawété Bíbia! Ta umuñhãwana usasá píri 2 bilhão Bíblia 450 ñheengaita rupí. Ta umupinima aé kuxiíma kuera, yawéwaá suíté Bíblia umbeu satambika pañhe maã resé cientista ta umbuéwaá. Yepéyepé ta umupinimawaá Bíblia ti ta uyuconheceri ñhasé ti ta uviveri yepéwasu yepé tempo upété. Yawéwaá suíté ti ta uyawí ta umupinimawaá supíwaá resé. * Bíblia umbué yuíri yandé arama saisusá resé. Aé uxári yakuá  Deus rikusá resé, mayé aé usaisu yandé. Asuí yuíri Bíblia upuderi umupuranga miraita vida. Yawéwaá resewara siya ta uruyari Bíblia aété Deus Ñheenga.​—Releri 1 Tesalonikawaraita 2:13.

Remaã kuá vídeo Yapuderi Será Yariyari Bíblia Umbeuwaá?

Bíblia umbeu Deus ñheenga purangawaá resé. Aé uputari miraita ta uviveri arama puranga. Bíblia umbeu mayé Adão asuí Eva tiã ta upuderi ta uviveri pañhe ara paraíso upé. Aé umbeu yuíri mayé kuá Iwí usu kurí upitá yepé paraíso.​—Releri Apokalipse 21:4, 5.

Bíblia ukuntari pañhe maã resé Deus umuñhãwanawaá miraita supé arama uyupirungá suí. Mairamé yaleri mayé Deus rikusá imiraita irum, yayumbué isesé. Ape, Bíblia rupí resu reconheceri Deus. Yawasému yuíri Bíblia upé lei asuí conselho ta usuwaá ta uajudari yakuá arama maã yarikuté yamuñhã yapitá arama Deus rumuara.​—Releri 2 Timóteo 3:15, 16; Tiago 2:23; 4:8.

Kuá papera usu uajudari rekuá píri arama Bíblia resé. Jesus umbué ramé kuera aé uleri asuí ukuntari uleriwaá resé. Yawété kuá papera, uajudari yandé yakuá píri kuá versíkuloita resé yaleriwaá.​—Releri Luka 24:27, 45.

Puranga retana kuá Deus ñheengaita! Ma yepéyepé ti ta uputari ta ukuá kuá ñheenga resé. Té rexári aintá umusasiara indé. Ñhasé reviveri arama pañhe ara reprecisari rekuá awá taá Deus.​—Releri João 17:3.