«Bey túun xanoʼ le íichamtsiloʼoboʼ unaj u yaabiltikoʼob u yatanoʼob jeʼex u yaabiltikoʼob u wíinkliloʼobeʼ. Máax u yaabiltmaj u yataneʼ u yaabiltmuba xan. Tumen mix máak ku pʼektik u wíinklil, baʼaxeʼ ku tséentik yéetel ku kanáantik [...]. Cada juntúul tiʼ teʼexeʼ u yaabilt u yatan jeʼex u yaabiltmilubaeʼ».

Efesios 5:28, 29, 33

«Taatatsileʼex, teʼex xaneʼ maʼ a beetkeʼex u pʼuʼujul a paalaleʼex, baʼaxeʼ mantatsʼ líiʼseʼexoʼob yéetel u kaʼansaj bey xan yéetel u tsolnuʼuk Jéeoba».

Efesios 6:4

«Le atantsil xanoʼ unaj u jach respetartik u yíicham».

Efesios 5:33

«Atantsileʼex, tsʼáabaʼex yáanal u páajtalil a wíichameʼex jeʼex uts tu tʼaan Yuumtsileʼ».

Colosenses 3:18

«Paalaleʼex, uʼuyeʼex u tʼaan a taataʼex jeʼex u yaʼalik Yuumtsileʼ, tumen lelaʼ toj tu táan Dios. Jeʼex tsʼíibtaʼanileʼ: ‹Respetart a papá yéetel a maama›, lelaʼ letiʼe yáax baʼal aʼalaʼan ku taasik le utsil jeʼelaʼ: ‹Utiaʼal ka xiʼiktech utsil yéetel utiaʼal ka kuxlakech yaʼabkach kʼiinoʼob way luʼumeʼ›».

Efesios 6:1-3

«Paalaleʼex, uʼuyeʼex u tʼaan a taataʼex tiʼ tuláakal baʼal, tumen Yuumtsileʼ jach uts tu tʼaan ka beetaʼak beyoʼ».

Colosenses 3:20