1 Crónicas 3:1-24
3 U hijoʼob David síijoʼob tu kaajil Hebróneʼ letiʼe jeʼeloʼobaʼ:+ u yáax hijoeʼ Amnón,+ u maamaeʼ Ainoam+ le ku taal tu kaajil Jezreeloʼ. U kaʼatúul hijoeʼ Daniel, u maamaeʼ Abigaíl+ le ku taal tu kaajil Carmelooʼ.
2 U yóoxtúul hijoeʼ Absalón,+ u maamaeʼ Maaká, le koʼolelaʼ u hija Talmay u reyil Guesur. U kantúul hijoeʼ Adonías,+ u maamaeʼ Aguit.
3 U cincoileʼ Sefatías, u maamaeʼ Abital, yéetel u seisileʼ Itream, u maamaeʼ Eglá, le koʼolelaʼ u yatan xan David.
4 Letiʼobeʼ letiʼe seis u paalal David síijoʼob tu kaajil Hebrónoʼ. Teʼeloʼ 7 años yéetel 6 meses xáanchaj táan u reinariʼ, yéetel tu kaajil Jerusaléneʼ 33 años reinarnajiʼ.+
5 U hijoʼob David síijoʼob Jerusaléneʼ+ letiʼe jeʼeloʼobaʼ: Simeá, Sobab, Natán+ yéetel Salomón.+ U maama le kantúul paalalaʼ Bat-seba*+ u hija Amiel.
6 Uláakʼ nueve u túulal u hijoʼob Davideʼ letiʼe jeʼeloʼobaʼ: Ibar, Elisamá, Elifélet,
7 Noga, Néfeg, Jafiya,
8 Elisamá, Eliadá yéetel Elifélet.
9 U kʼaabaʼ juntúul u yíitsʼinoʼobeʼ* Tamar.+ Tuláakal le jeʼeloʼobaʼ letiʼe u paalal Davidoʼ. Davideʼ yanchaj xan u hijoʼob tiʼ uláakʼ u yatanoʼoboʼ.*
10 U hijo Salomóneʼ Reoboam, u hijo Reoboameʼ+ Abías,+ u hijo Abíaseʼ Asá,+ u hijo Asáeʼ Jeosafat,+
11 u hijo Jeosafateʼ Jeoram,+ u hijo Jeorameʼ Ocozías,+ u hijo Ocozíaseʼ Jeoás,+
12 u hijo Jeoáseʼ Amasías,+ u hijo Amasíaseʼ Azarías,+ u hijo Azaríaseʼ Jotán,+
13 u hijo Jotáneʼ Acaz,+ u hijo Acazeʼ Ezequías,+ u hijo Ezequíaseʼ Manasés,+
14 u hijo Manaséseʼ Amón,+ yéetel u hijo Amóneʼ Josías.+
15 U hijoʼob Josíaseʼ letiʼe jeʼeloʼobaʼ: u yáax hijoeʼ Joanán, u kaʼatúuleʼ Jeoyakim,+ u yóoxtúuleʼ Sedequías,+ yéetel u kantúuleʼ Salum.
16 U hijoʼob Jeoyakimeʼ letiʼe jeʼeloʼobaʼ: Jeconías+ yéetel Sedequías.
17 U hijoʼob Jeconías, le máax bisaʼab kʼalbiloʼ, letiʼe jeʼeloʼobaʼ: Sealtiel,
18 Malkiram, Pedaya, Senazar, Jekamías, Osamá yéetel Nedabías.
19 U hijoʼob Pedayaeʼ letiʼe jeʼeloʼobaʼ: Zorobabel+ yéetel Simey. U hijoʼob Zorobabeleʼ letiʼe jeʼeloʼobaʼ: Mesulam yéetel Aananías (u yíitsʼinoʼobeʼ* Selomit).
20 Uláakʼ cinco u hijoʼobeʼ letiʼe jeʼeloʼobaʼ: Asubá, Oel, Berekías, Asadías yéetel Jusab-ésed.
21 U hijoʼob Aananíaseʼ letiʼe jeʼeloʼobaʼ: Pelatías yéetel Jesayá. U hijo* Jesayáeʼ Refayá, u hijo* Refayáeʼ Arnán, u hijo* Arnáneʼ Abdías, u hijo* Abdíaseʼ Sekanías.
22 Sekaníaseʼ yanchaj juntúul u hijo bey xan u yáabiloʼob. U kʼaabaʼ u hijoeʼ Semaya. U kʼaabaʼ u hijoʼob Semayaeʼ: Atús, Igal, Barías, Nearías, yéetel Safat, tuláakloʼobeʼ seis u túulaloʼob.
23 U hijoʼob Nearíaseʼ letiʼe jeʼeloʼobaʼ: Elyoenay, Iskías yéetel Azrikam, óoxtúuloʼob.
24 U hijoʼob Elyoenayeʼ letiʼe jeʼeloʼobaʼ: Odavías, Eliasib, Pelayá, Akub, Joanán, Delayá yéetel Ananí. Tuláakloʼobeʼ siete u túulaloʼob.
Notas
^ Wa «Betsabé».
^ Wa «u kiikoʼobeʼ».
^ Ich hebreoeʼ ku yaʼalaʼal kaʼach «concubinaʼob».
^ Wa «u kiikoʼobeʼ».
^ Ich hebreoeʼ ku yaʼalaʼal kaʼach «u hijoʼob».
^ Ich hebreoeʼ ku yaʼalaʼal kaʼach «u hijoʼob».
^ Ich hebreoeʼ ku yaʼalaʼal kaʼach «u hijoʼob».
^ Ich hebreoeʼ ku yaʼalaʼal kaʼach «u hijoʼob».
