Isaías 4:1-6
4 Teʼ kʼiin jeʼeloʼ siete koʼoleloʼobeʼ yaan u chʼuytaloʼob tiʼ juntúul xiib+ yéetel yaan u yaʼalikoʼobtiʼ:
«T-juunal ken k-kaxt baʼal k-jaanteyéetel t-juunal ken k-man k-nookʼ,chéen baʼax k-kʼáateʼ ka a chaʼa k-tʼaʼanal yéetel a kʼaabaʼutiaʼal u lukʼul le baʼax taasiktoʼon suʼtsililaʼ».*+
2 Teʼ kʼiinoʼob jeʼeloʼ le baʼaxoʼob kun beetbil u jóokʼol tumen Jéeoba teʼ luʼumoʼ jatsʼutstak yéetel maʼalobtak. Le u kajnáaliloʼob Israel kun pʼáatloʼoboʼ, le kéen u yiloʼob bix u tsʼáaik u yich le luʼumoʼ yaan u kiʼimaktal u yóoloʼob yéetel jach jatsʼuts ken u yililoʼob.+
3 Jeʼel máaxak kun pʼáatal Sión yéetel tiaʼan ichil le máaxoʼob kun pʼáatloʼob Jerusalénoʼ yaan u yaʼalaʼaltiʼob santoʼob, bey kun aʼalbil tiʼ tuláakal le yanoʼob Jerusalén tsʼíibtaʼan u kʼaabaʼob utiaʼal le kuxtaloʼ.+
4 Jéeobaeʼ yaan u pʼoʼik le baʼax éekʼkuntik* u kajnáaliloʼob Siónoʼ,+ yaan u yeʼesik bukaʼaj pʼujaʼanil tu contra Jerusalén yéetel yaan u juzgartik, yaan u chalik le kʼiʼikʼ wekaʼan chúumuk tiʼ u kaajil Jerusalénoʼ.+
5 Le kéen u beet Jéeoba leloʼ, yaan xan baʼax ken u beet u yantal yóokʼol le Montaña Sión bey xan yóokʼol le lugar tuʼux ku muchʼkuba le kaajoʼ. De kʼiineʼ yaan u beetik u yantal múuyal bey xan buutsʼ, de áakʼabeʼ yaan u beetik u yantal junpʼéel kʼáakʼ ku tóochʼbal yéetel ku léembal,+ bey ken u kanáantil tuláakal le kiʼichkelem lugaraʼ.
6 Yaan xan u yantal junpʼéel pasel utiaʼal u yantal boʼoy,+ utiaʼal u taʼakikuba máak tiʼ u chokoil kʼiin, utiaʼal u kanáantkuba máak tiʼ kʼaʼamkach iikʼ yéetel utiaʼal u balikuba tiʼ jaʼ.+
Notas
^ Suʼtsil bix yaniloʼob tumen maʼ tsʼokaʼan u beeloʼobiʼ yéetel minaʼan u paalaloʼob.
^ Ich hebreoeʼ ku yaʼalaʼal kaʼach «u taʼ».
