Isaías 58:1-14
58 Letiʼeʼ tu yaʼalajten: «¡Kʼaʼam awatnakech, maʼ a makik a chiʼ!
Kʼaʼamkúunt a tʼaan jeʼex u juum junpʼéel baakeʼ.
Aʼal tiʼ in kaajal le baʼax maʼ maʼalob ku beetkoʼ,+aʼal tiʼ u paalal Jacob u kʼebanoʼob.
2 Letiʼobeʼ sáamsamal táan u kaxtikenoʼob,yéetel ku yeʼeskoʼob jach uts tu tʼaan u kʼaj óoltikoʼob in beeloʼob,hasta jeʼel u yaʼalaʼal beyoʼob junpʼéel kaaj ku beetik baʼax tojyéetel maʼ u xúumpʼattoʼob u ley u Diosoʼobiʼ.+
Letiʼobeʼ ku kʼáatkoʼobten justicia,hasta bey jach uts tu tʼaan u natsʼkubaʼob tu yiknal Dioseʼ.+
3 Letiʼobeʼ ku yaʼalikoʼob: ‹¿Baʼaxten maʼ ta wilaj ka ayunarnajoʼoniʼ?*+
¿Baʼaxten maʼ ta wilaj ka t-eʼesaj yaachajaʼan k-óoliʼ?›.+
Tumen tu kʼiinil a ayunareʼexeʼ chéen ka beetkeʼex baʼax a kʼáateʼex,yéetel ka pechʼ óoltikeʼex le máaxoʼob meyajtikeʼexoʼ.+
4 Le kéen ayunarnakeʼexeʼ ka tutukchiʼex yéetel ka baʼateleʼex.
Teʼexeʼ ka loxkabaʼex tumen jach pʼujaʼaneʼex.
Wa ku seguer a ayunareʼex jeʼex a beetkeʼex tak bejlaʼoʼ maʼ kun uʼuybil a kʼáat óolaleʼex teʼ kaʼanoʼ.
5 ¿Bey wa in waʼalikteʼex ka ayunarnakeʼexoʼ?
Le kʼiin jeʼeloʼ, ¿chéen wa utiaʼal u yeʼesik máak bukaʼaj yaachajaʼanil u yóol?
¿Chéen wa utiaʼal a chinik a pooleʼex jeʼex u chíinil junkúul xíiweʼ?
¿Chéen wa utiaʼal a chitaleʼex yóokʼol toʼotoch nookʼoʼob yéetel yóokʼol u taʼanil kʼáakʼ?
¿Bix a atrever a waʼaleʼex táan a ayunareʼex yéetel maʼalob u yilik Jéeoba le kʼiin jeʼeloʼ?
6 Leloʼ maʼ ayunariʼ, lelaʼ letiʼe baʼax unaj a beetkeʼex tu kʼiinil táan a ayunareʼexaʼ:
unaj a luʼskeʼex le cadenaʼob beetik u muʼyaj máakoʼ,unaj a luʼskeʼex le u cheʼil kuuch pechʼ óoltik máakoʼ,+unaj a jáalkʼabtikeʼex le máaxoʼob yetsʼaʼanoʼoboʼ,+yéetel unaj a jáalkʼabtikeʼex le máaxoʼob ku beetaʼal u sen meyajoʼoboʼ,
7 unaj xan a tsʼáaikeʼex baʼal u jaant le máax minaʼan baʼal u jaantoʼ,+unaj a biskeʼex ta wotocheʼex le máax óotsil yéetel minaʼan u yotochoʼ,unaj a tsʼáaikeʼex nookʼ u búukint le máax ka wilkeʼex minaʼan u nookʼoʼ,+yéetel maʼ unaj a sutik a paacheʼex tiʼ a láakʼtsileʼexiʼ.
8 Bey túunoʼ le sáasil ku taal tiʼ teʼexoʼ yaan u juul jeʼex le kʼiin táan u taal u sáastaloʼ,+yéetel séebaʼan kun tsʼakbil le loob uchaʼanteʼexoʼ.
A justiciaʼexeʼ yaan u bin táanil tiʼ teʼex,yéetel paachil tiʼ teʼexeʼ tiʼ kun taal u nojoch páajtalil Jéeobaiʼ.+
9 Le kéen tʼaanakeʼex xaneʼ Jéeobaeʼ yaan u núukikteʼex,le kéen a kʼáateʼex áantajeʼ letiʼeʼ yaan u yaʼalik: ‹¡Way yaneneʼ!›.
Wa ka luʼskeʼex le u cheʼil kuuch pechʼ óoltik máakoʼ,wa ku xuʼulul a tuchʼubtikeʼex máak yéetel a waʼalikeʼex baʼal utiaʼal a beetkeʼex kʼaas,+
10 wa ka tsʼáaikeʼex tiʼ le máax wiʼij le baʼax ka tsʼíiboltkeʼex+ xanoʼyéetel ka tsʼáaikeʼex baʼax kʼaʼabéet tiʼ le máaxoʼob ku muʼyajoʼoboʼ,le sáasil ku taal tiʼ teʼexoʼ yaan u juul tak ich éeʼjochʼeʼenil,yéetel a éeʼjochʼeʼenileʼexeʼ yaan u pʼáatal jeʼex u sáasilil chúumuk kʼiineʼ.+
11 Jéeobaeʼ mantatsʼ ken u nuʼukteʼexyéetel yaan u tsʼáaikteʼex baʼax kʼaʼabéetteʼex kéen yanakeʼex tiʼ junpʼéel luʼum mix baʼal yaniʼ.+
Letiʼeʼ yaan u muʼukʼaʼankúuntik a baakeleʼex,yaan a pʼáatleʼex bey junpʼéel jardín maʼalob jóoyabtaʼanileʼ,+yéetel bey junpʼéel sayab maʼatech u saʼapʼal u jaʼileʼ.
12 Ta woʼolaleʼexeʼ letiʼobeʼ yaan u jel líiʼskoʼob le lugaroʼob niikil u pakʼiloʼoboʼ,+teʼexeʼ yaan a jel beetkeʼex u chuunpakʼil le lugaroʼob tsʼoʼok u máan kʼiin júutukoʼoboʼ.+
Yaan u yaʼalaʼaleʼ teʼex utskíintik le pakʼoʼob jomchajaʼanoʼoboʼ,*+teʼex utskíintik le bejoʼob utiaʼal u kajtal máakoʼob tu jáalikoʼ.
13 Wa ku xuʼulul a kaxtikeʼex chéen a wutsileʼex tu kʼiinil Sábado, le kʼiin santo in tiaʼaloʼ,+wa ka wilkeʼex bey u kʼiinil kiʼimak óolal, ka wilkeʼex bey junpʼéel kʼiin santo utiaʼal Jéeoba, ka wilkeʼex bey junpʼéel kʼiin jach importante,+ka kʼiinbeskeʼex u kʼiinil Sábado tu lugar a beetkeʼex chéen baʼax a kʼáateʼex yéetel tu lugar a waʼalikeʼex tʼaanoʼob minaʼan u biilaleʼ,
14 teen Jéeobaeʼ yaan in beetik u jach kiʼimaktal a wóoleʼex,yéetel yaan in beetik a gobernareʼex tu yóokʼol le kaʼanal lugaroʼob yaan teʼ luʼumoʼ.+
Yaan in tsʼáaik a jaanteʼex u yich le luʼum tin tsʼáaj bey herencia tiʼ Jacob a úuchben láakʼtsileʼexoʼ,+tumen letiʼe baʼax tsʼoʼok u jóokʼol tu chiʼ Jéeobaoʼ».
