Proverbios 10:1-32
10 U proverbios Salomón.+
Juntúul paal yaan u naʼateʼ ku beetik u kiʼimaktal u yóol u papá,+pero juntúul paal minaʼan u naʼateʼ ku beetik u yaatal u yóol u maama.
2 Le ayikʼalil maʼ maʼalob náajaltaʼaniloʼ maʼ ken u taas mix junpʼéel utsil,pero u beetaʼal baʼax maʼalobeʼ ku salvartik máak tiʼ le kíimiloʼ.+
3 Jéeobaeʼ maʼ ken u chaʼa u pʼáatal minaʼan baʼal u jaant le utsul máakoʼ,+pero maʼ ken u tsʼáa tiʼ le kʼasaʼan máak le baʼax ku tsʼíiboltikoʼ.
4 Le maʼakʼóoloʼ yaan u yóotsiltal,+pero le sáakʼóoloʼ yaan u ayikʼaltal.+
5 Le paal yaan u naʼatoʼ ku cosechar le táan u yichankil le paakʼaloʼoboʼ,pero le paal minaʼan u suʼtaloʼ tʼuubul u wenel.+
6 Le baʼaloʼob maʼalobtakoʼ tiaʼan tu yóokʼol le utsul máakoʼoboʼ,+pero u chiʼ le kʼasaʼan máakoʼoboʼ yaan baʼax kʼaas ku taʼakikoʼob.
7 Kéen kʼaʼajsaʼak u kʼaabaʼ le utsul máakoʼ yaan u bendecirtaʼal,+pero u kʼaabaʼ le kʼasaʼan máakoʼoboʼ bey tuʼutal ken u beeteʼ.+
8 Le máax yaan u naʼatoʼ yaan u kʼamik baʼax ku yaʼalaʼaltiʼ,+pero le máax chéen ku jáajan tʼaanoʼ yaan u bin kʼaasil tiʼ.+
9 Le máax chúukaʼan u yóol u beet baʼax maʼalobeʼ mix baʼal kun beetik u sajaktal,+pero máax ku tuuseʼ yaan u kʼuchul u kʼiinil u chuʼukul.+
10 Le máax yéetel kʼaakʼas tuukul ku chakʼik u yicheʼ ku beetik u yaatal u yóol máak,+le máax ku tʼaan yéetel x-maʼ naʼatileʼ yaan u bin kʼaasil tiʼ.+
11 U chiʼ le utsul máakoʼ u sayabil kuxtal,+pero u chiʼ le kʼasaʼan máakoʼoboʼ yaan baʼax kʼaas ku taʼakikoʼob.+
12 Le máax ku pʼektik u yéet máakileʼ ku beetik u yantal baʼateʼel,pero le yaabilajoʼ ku pixik tuláakal le baʼax maʼ maʼaloboʼ.+
13 Le naʼatoʼ tiaʼan tu chiʼ le máax yaan u naʼatoʼ,+pero u cheʼil jaatsʼeʼ utiaʼal u puʼuch* le j-maʼ naʼatoʼ.*+
14 Le máaxoʼob yaan u naʼatoʼoboʼ ku yilkoʼob bey junpʼéel tesoro u kaanbaloʼobeʼ,+pero u chiʼ le máax minaʼan u naʼatoʼ ku beetik u bin kʼaasil tiʼ.+
15 Utiaʼal juntúul ayikʼaleʼ le ayikʼaliloʼ bey junpʼéel kaaj kaʼanal u pakʼiloʼobeʼ.
Juntúul óotsileʼ ku bin kʼaasil tiʼ tumen óotsil.+
16 Le baʼax ku beetik le utsul máakoʼ ku bisik máak tiʼ kuxtal,pero le kʼasaʼan máakoʼ ku meyajtiʼ baʼax ku náajaltik utiaʼal u beetik baʼax kʼaas.+
17 Le máax ku chʼenxikintik consejoeʼ ku pʼáatal bey u bejil kuxtaleʼ,*pero máax maʼ tu kʼamik baʼax ku yaʼalaʼaltiʼeʼ ku kʼaskúuntik u maasil.
18 Le máax ku taʼakik u pʼekmaj u yéet máakileʼ ku yaʼalik baʼaloʼob maʼ jaajtakiʼ,+le máax ku máan u tsikbalt baʼaloʼob utiaʼal u beetik kʼaaseʼ* minaʼan u naʼat.
19 Máax yaʼab u tʼaaneʼ maʼ ken u jech u yaʼalik baʼax maʼ maʼalobiʼ,+pero tuláakal máax ku kanáantik baʼax ku yaʼalikeʼ yaan u naʼat.+
20 U yaakʼ le utsul máakoʼ bey jeʼex le maas maʼalob plataoʼ,+pero u puksiʼikʼal le máax kʼasaʼanoʼ mix baʼal u tojol.
21 U chiʼ le utsul máakoʼ ku nuʼuktik yaʼab máakoʼob,+pero le j-maʼ naʼatoʼoboʼ ku kíimloʼob tumen minaʼan u naʼatoʼob.+
22 Le baʼaloʼob ku taal tiʼ Jéeobaoʼ ku ayikʼalkúuntik máak,+lelaʼ maʼatech u taal paʼteʼ yéetel muʼyajil.
23 Le j-maʼ naʼatoʼ chéen báaxal u yilik u beetik baʼaloʼob suʼtsiltak,pero máax yaan u naʼateʼ ku bin tu paach le naʼatoʼ.+
24 Le baʼax tiʼ sajak le kʼasaʼan máakoʼ letiʼe baʼax kun taal tu yóokʼoloʼ,pero le baʼax ku tsʼíiboltik le utsul máakoʼ letiʼe baʼax kun tsʼaabiltiʼoʼ.+
25 Le kéen máanak le kʼaʼamkach iikʼoʼ ku pʼáatal minaʼan le kʼasaʼan máakoʼ,+pero le utsul máakoʼ bey junpʼéel cimiento ku pʼáatal utiaʼal mantatsʼeʼ.+
26 Le maʼakʼóoloʼ bey suʼutsʼ vinagre utiaʼal u koj le máax tusbeltikoʼ*yéetel bey buutsʼ utiaʼal u yicheʼ.
27 Máax ku respetartik Jéeobaeʼ ku chowaktal u kuxtal,+pero le kʼasaʼan máakoʼoboʼ yaan u kóomkintaʼal u kuxtaloʼob.+
28 Le baʼax ku páaʼtik le utsul máakoʼoboʼ ku taasik kiʼimak óolal,+pero le baʼax ku páaʼtik le kʼasaʼan máakoʼoboʼ maʼ kun béeytal.+
29 U beel Jéeobaeʼ bey junpʼéel lugar seguro utiaʼal le máax mix baʼal kʼaas ku beetkoʼ,+pero le bejaʼ ku xuʼulsik tiʼ le máaxoʼob ku beetkoʼob baʼax kʼaasoʼ.+
30 Le utsul máakoʼ mix bikʼin kun luʼsbil teʼ tuʼux yanoʼ,+pero le kʼasaʼan máakoʼ yaan u xuʼulul u kajtal way luʼumeʼ.+
31 Tu chiʼ le utsul máakoʼ tiʼ ku taal le naʼatoʼ,pero le aakʼ ku beetik u kʼasaʼaniloʼ yaan u xuʼulsaʼaltiʼ.
32 U chiʼ le utsul máakoʼ u yojel baʼax maʼalob,pero u chiʼ le kʼasaʼan máakoʼ chéen tuus ku beetik.
Notas
^ Tuláakʼ tuʼuxeʼ ku yaʼalaʼal «paach».
^ Ich hebreoeʼ ku yaʼalaʼal kaʼach «le máax minaʼan u puksiʼikʼaloʼ».
^ Uláakʼ bix u traducirtaʼaleʼ «tiaʼan tu bejil le kuxtaloʼ».
^ Wa «baʼaloʼob mix u yojel wa jaajeʼ».
^ Wa «utiaʼal u patrón».
