Salmos 119:1-176
-
U yaabiltaʼal baʼax ku yaʼalik Dios
-
‹¿Baʼax áantik juntúul táankelem u bis toj kuxtal?› (9)
-
‹In yaabiltmaj baʼaxoʼob a waʼalmaj› (24)
-
«¡Jach in yaabiltmaj a ley!» (97)
-
‹Maas yaan in naʼat tiʼ máaxoʼob kaʼansmilen› (99)
-
«A tʼaaneʼ junpʼéel lámpara utiaʼal in wook» (105)
-
«Tuláakal baʼax ka waʼalikeʼ jaajtak» (160)
-
Jeetsʼelil utiaʼal máax yaabiltmil u ley Dios (165)
-
א [Alef]
119 Kiʼimak u yóol le máaxoʼob ku binoʼob tiʼ le maʼalob bejyéetel ku beetkoʼob baʼax ku yaʼalik u ley Jéeobaoʼ.+
2 Kiʼimak u yóol le máaxoʼob ku beetkoʼob le baʼaxoʼob ku kʼaʼajsaʼaltiʼob tumen Dios+yéetel ku natsʼkubaʼob tiʼ letiʼ yéetel tuláakal u puksiʼikʼaloʼoboʼ.+
3 Letiʼobeʼ mix juntéen ku beetkoʼob injusticia,letiʼobeʼ ku xíimbaloʼob teʼ bej uts tu tʼaan Diosoʼ.+
4 In Dios, a kʼubéentmajka beetaʼak tuláakal le baʼaxoʼob ka waʼalikoʼ.+
5 ¡Bukaʼaj maʼalobil wa ka chúukpajak in wóol+in beet le baʼaxoʼob ka waʼalikoʼ!
6 Le kéen in xakʼalt a mandamientoʼobeʼ+maʼ kun antal baʼax oʼolal in suʼlaktal.
7 Yaan in alabarkech yéetel tuláakal in puksiʼikʼalle kéen in wil bukaʼaj maʼalobil le baʼaxoʼob ka chʼaʼtuklik u yúuchloʼ.
8 Yaan in beetik le baʼaxoʼob ka waʼalikoʼ.
Mix bikʼin ka a xúumpʼatten.
ב [Bet]
9 ¿Baʼax jeʼel u yáantik juntúul táankelem* u bis junpʼéel toj kuxtaleʼ?
Letiʼe ka u beet baʼax ka waʼalikoʼ.+
10 Yéetel tuláakal in puksiʼikʼal kin kaxtikech.
Maʼ a chaʼik in kʼéechel tiʼ a mandamientoʼob.+
11 Utiaʼal maʼ in kʼebantal ta táaneʼ+kin tsʼáaik ichil in puksiʼikʼal le baʼaxoʼob ka waʼalikoʼ.+
12 Jéeoba Dios, alabartaʼakech.
Kaʼansten baʼaxoʼob a kʼáat ka in beete.
13 Kin tsʼáaik kʼaj óoltbiltuláakal le baʼaxoʼob ka chʼaʼtuklik u yúuchloʼ.
14 Maas ku kiʼimaktal in wóol tu yoʼolal le baʼaloʼob ka kʼaʼajsiktenoʼ+ke tu yoʼolal le baʼaloʼob koʼojtakoʼ.+
15 Yaan in tuukul tiʼ* le baʼaxoʼob ka waʼalik ka beetaʼakoʼ,+mantatsʼ ken in wil in xíimbal teʼ bej uts ta tʼaanoʼ.+
16 In yaabiltmaj a leyoʼob.
Mix bikʼin u tuʼubulten baʼax ka waʼalik.+
ג [Guimel]
17 In Dios, eʼesten a wutsil,beyoʼ yaan u seguer in kuxtal yéetel in beetik baʼax ka waʼalik.+
18 Jeʼekʼabt in wich utiaʼal in wilik bukaʼaj jatsʼutsille baʼaxoʼob ku yaʼalik a leyoʼ.
19 Beyen jeʼex le máaxoʼob bijaʼanoʼob kajtal táanxel luʼumiloʼ.+
Kaʼansten a mandamientoʼob.
20 Mantatsʼ kin tsʼíiboltikin beetik le baʼaxoʼob ka waʼalikoʼ.
21 Techeʼ maʼatech a chéen ilik baʼax ku beetik le kʼasaʼan máakoʼoboʼ,letiʼobeʼ ku kʼéechloʼob tiʼ a mandamientoʼob.+
22 Maʼ a chaʼik u seguer u yaʼalaʼalten baʼal yéetel in pʼektaʼal,tumen teneʼ kin tsʼoʼokbesik le baʼaxoʼob ka kʼaʼajsiktenoʼ.
23 Kex yaan príncipeʼob ku muchʼkubaʼob utiaʼal u tʼaanoʼob tin contraeʼ,teneʼ mantatsʼ táan in tuukul tiʼ* le baʼaxoʼob ka waʼalikoʼ.
24 Jach in yaabiltmaj le baʼaxoʼob ka kʼaʼajsiktenoʼ,+letiʼob nuʼuktik in kuxtal.+
ד [Dalet]
25 Kin wuʼuyik bey taʼaytak in kíimileʼ.+
Kanáant in kuxtal jeʼex a waʼalmiloʼ.+
26 Tin waʼalajtech baʼax bejil kin bisik, teech túuneʼ ta nuʼukten.
Kaʼansten baʼaxoʼob a kʼáat ka in beete.+
27 Áanten in naʼat le baʼaxoʼob ka waʼalik ka beetaʼakoʼ,beyoʼ yaan in tuukul tiʼ* le nukuch baʼaloʼob ka beetkoʼ.+
28 Maʼ páajchajak in wenel tu yoʼolal baʼax ku yúuchulteniʼ.
Áanten jeʼex a waʼalmiloʼ.
29 Maʼ a chaʼik in bin tiʼ junpʼéel bej maʼ maʼalobiʼ,+kaʼansten a ley.
30 In chʼaʼtukultmaj u chúukpajal in wóol in beet baʼax maʼalob.+
In wojel jach maʼalob le baʼaxoʼob ka chʼaʼtuklik u yúuchloʼ.
31 Junpuliʼ maʼ tin tsʼáaik juntséelil le baʼaxoʼob ka kʼaʼajsiktenoʼ.+
Jéeoba Dios, maʼ a chaʼik in pʼáatal ich suʼtsilil.+
32 Yéetel u jaajil in wóol kin bin teʼ bej ku nuʼuktikten a mandamientoʼoboʼ,tumen ka jeʼekʼabtik in puksiʼikʼal utiaʼal in kʼamkoʼob.*
ה [Je]
33 Jéeoba Dios, kaʼansten+ in beet le baʼaxoʼob ka waʼalikoʼ,utiaʼal ka in tsʼoʼokbes tuláakal u kʼiiniloʼob in kuxtal.+
34 Tsʼáaten naʼatutiaʼal in beetik baʼax ku yaʼalik a ley,bey xan utiaʼal u pʼáatal ichil in puksiʼikʼal.
35 Nuʼukten utiaʼal in tsʼoʼokbesik* a mandamientoʼob,+tumen letiʼe baʼax jach kin tsʼíiboltikoʼ.
36 Beet u yaabiltaʼal tumen in puksiʼikʼal le baʼaxoʼob ka kʼaʼajsiktenoʼ,maʼ a chaʼik u kaxtik chéen u yutsil.+
37 Maʼ a chaʼik u chʼíikil in paakat tiʼ baʼaloʼob mix baʼal u biilal.+
Beet in xíimbal ta beeloʼob utiaʼal ka seguernak in kuxtal.
38 Tsʼoʼokbes le baʼax a waʼalmajtenoʼ,beyoʼ le máakoʼoboʼ jach yaan u respetarkechoʼob.
39 Techeʼ maʼalob le baʼaxoʼob ka chʼaʼtuklik a beetkoʼ,+beet u xuʼulul le baʼax beetik in suʼlaktal yéetel in chʼaʼik saajkiloʼ.
40 Ilawil bukaʼaj in tsʼíiboltik le baʼaxoʼob ka waʼalik ka beetaʼakoʼ.
Techeʼ justoech, kanáant in kuxtaliʼ.
ו [Waw]
41 Jéeoba Dios, eʼesten a nojoch yaabilaj,+salvarten jeʼex a waʼalmiloʼ.+
42 Beyoʼ yaan baʼax in waʼal tiʼ le máax aʼalikten baʼaloʼ,teneʼ kin confiar tiʼ baʼax ka waʼalik.
43 Áanten utiaʼal maʼ u xuʼulul in waʼalik u jaajil,tumen teneʼ táan in páaʼtik u béeytal le baʼax a waʼalmaj u yúuchloʼ.
44 Mantatsʼ ken in beet baʼax ku yaʼalik a ley,mix bikʼin kun xuʼulul in beetik.+
45 Jeʼel tuʼuxak kin máaneʼ mix baʼal kun sajakkúuntken,+tumen kin wilik in tsʼoʼokbesik le baʼaxoʼob ka waʼalik ka beetaʼakoʼ.
46 Tak tu táan reyoʼob ken in tsikbalt le baʼaxoʼob ka kʼaʼajsik tiʼ máakoʼ,junpuliʼ maʼ kin suʼlaktal.+
47 In yaabiltmaj a mandamientoʼob,jach in yaabiltmoʼob.+
48 Tumen in yaabiltmaj a mandamientoʼobeʼ yaan in líiʼsik in kʼab utiaʼal in orar tiʼ teech,+yaan in tuukul tiʼ* le baʼaxoʼob ka waʼalikoʼ.+
ז [Zayin]
49 Kʼaʼajaktech le baʼax a waʼalmajtenoʼ,tumen letiʼe baʼax jach in kʼubmaj in wóol tiʼoʼ.
50 Letiʼe baʼax kiʼimakkúuntik in wóol tu kʼiinil táan in muʼyajoʼ,+le baʼax ka waʼalikoʼ letiʼ áantken utiaʼal u seguer in kuxtal.
51 Le kʼasaʼan máakoʼoboʼ maʼatech u xuʼulul u yaʼalikoʼobten baʼal,pero teneʼ maʼ tin kʼéechel tiʼ baʼaxoʼob ku yaʼalik a ley.+
52 Jéeoba Dios, ku kiʼimaktal in wóol+le kéen in kʼaʼajs le baʼaxoʼob a chʼaʼtukultmaj u yúuchul desde úuchjeakiloʼ.+
53 Jach ku beetik in pʼuʼujul le kʼasaʼan máakoʼoboʼ,tumen maʼatech u beetkoʼob baʼax ku yaʼalik a ley.+
54 Jeʼel tuʼuxak ka yanakeneʼ le baʼaxoʼob ka waʼalikoʼbey jatsʼuts kʼaayoʼob in tiaʼalinteʼ.
55 Jéeoba Dios, de áakʼabeʼ jach kin kʼaʼajsik a kʼaabaʼ,+kin beetik baʼax ku yaʼalik a ley.
56 Mantatsʼ bey in beetkoʼ,jach kin wilik in beetik le baʼaxoʼob ka waʼalik ka beetaʼakoʼ.
ח [Jet]
57 Jéeoba, teech tuláakal baʼax yaanten.*+
Teneʼ in waʼalmaj yaan in beetik baʼax ka waʼalik.+
58 Yéetel tuláakal in puksiʼikʼal kin natsʼkinba tiʼ teech,+eʼesten a wutsil+ jeʼex a waʼalmiloʼ.
59 Teneʼ kin jach ilik baʼax bejil kin bisik,bey túunoʼ ku páajtal in kaʼa tsʼoʼokbesik le baʼaxoʼob ka kʼaʼajsiktenoʼ.+
60 Tu séebaʼanil kin wilik in tsʼoʼokbesik a mandamientoʼob,+maʼatech in chaʼik u máan tiempo.
61 Kex ku bakʼiken le kʼasaʼaniloʼ,teneʼ maʼatech in tuʼubsik a ley.+
62 Kin líikʼil chúumuk áakʼab utiaʼal in tsʼáaiktech gracias,+tumen jach maʼalob le baʼaxoʼob a chʼaʼtukultmaj u yúuchloʼ.
63 Kin biskinba yéetel tuláakal le máaxoʼob adorarkechoʼ,bey xan yéetel le máaxoʼob ku beetkoʼob le baʼaxoʼob ka waʼalikoʼ.+
64 Jéeoba Dios, jach nojoch a yaabilaj, ka weʼesik tiʼ tuláakal yóokʼol kaab.+
Kaʼansten baʼax a kʼáat ka in beete.
ט [Tet]
65 Jéeoba Dios, tsʼoʼok a weʼesikten a wutsil,tsʼoʼok a beetik jach jeʼex a waʼalmileʼ.
66 Kin kʼubik in wóol tiʼ a mandamientoʼob,kaʼansen utiaʼal u yantalten junpʼéel maʼalob tuukul yéetel utiaʼal in kaanbal.+
67 Kaʼacheʼ kin beetik baʼax maʼ maʼalobiʼ, le oʼolal kin muʼyaj,pero bejlaʼeʼ kin beetik baʼax ka waʼalik.+
68 Techeʼ jach utsech+ yéetel maʼalob baʼax ka beetik.
Kaʼansten baʼax a kʼáat ka in beete.+
69 Le kʼasaʼan máakoʼoboʼ ku sen aʼalikoʼob baʼaloʼob maʼ jaajtak tin contraiʼ,pero teneʼ yéetel tuláakal in puksiʼikʼal kin tsʼoʼokbesik le baʼaxoʼob ka waʼalik ka beetaʼakoʼ.
70 Letiʼobeʼ chich u puksiʼikʼaloʼob,+pero teneʼ in yaabiltmaj a ley.+
71 Maʼalob úuchik u beetaʼal in muʼyaj,+beyoʼ tin kanaj kuxtal jeʼex u yaʼalik a leyoʼobeʼ.
72 Le ley a tsʼaamoʼ jach maʼalob in wilik,+maas maʼalob ke yaʼab oro yéetel plata.+
י [Yod]
73 Teech beeten, teech formarten yéetel a kʼaboʼob.
Beet u yantal in naʼatutiaʼal in kanik a mandamientoʼob.+
74 Le kéen u yilen le máaxoʼob adorarkechoʼ ku kiʼimaktal u yóoloʼob,tumen ku yilkoʼob táan in páaʼtik a beetik le baʼax a waʼalmoʼ.+
75 Jéeoba Dios, teneʼ in wojel maʼalob le baʼaxoʼob a chʼaʼtukultmaj u yúuchloʼ.+
Tumen chúukaʼan a wóol a beet baʼax maʼalobeʼ tsʼoʼok a castigarken.+
76 Beet uts a weʼesikten a nojoch yaabilaj+ utiaʼal u kiʼimaktal in wóol,beet jeʼex a waʼalmilteneʼ.
77 Chʼaʼten óotsilil utiaʼal u seguer in kuxtal,+tumen in yaabiltmaj a ley.+
78 Pʼáatak ich suʼtsilil le kʼasaʼan máakoʼoboʼ,tumen kex minaʼan baʼax oʼolaleʼ táan u beetkoʼobten kʼaas.
Chéen baʼaleʼ teneʼ maʼ kun xuʼulul in tuukul tiʼ* le baʼaxoʼob ka waʼalik ka beetaʼakoʼ.+
79 Taalak tin wiknal le máaxoʼob adorarkechoʼ,le máaxoʼob u yojloʼob bix a kʼaʼajsik u yiikʼ máakoʼ.
80 Le táan in beetik le baʼaxoʼob ka waʼalikoʼ maʼ u yantal mix baʼal kʼaas tin puksiʼikʼal,+beyoʼ mix baʼal kun beetik in pʼáatal ich suʼtsilil.+
כ [Kaf]
81 Kin tsʼíiboltik a salvarken,+táan in páaʼtik a beetik le baʼax a waʼalmoʼ.
82 In wichoʼobeʼ táan u tsʼíiboltkoʼob le baʼax a waʼalmoʼ,+teneʼ kin waʼalik: «¿Baʼax kʼiin a beetik u kiʼimaktal in wóol?».+
83 Tsʼoʼok in pʼáatal jeʼex junpʼéel bolsa de kʼéewel chʼuykíintaʼan tuʼux yaan buutsʼeʼ.
Kex beyoʼ maʼ tin tuʼubsik le baʼaxoʼob ka waʼalikoʼ.+
84 ¿Baʼax kʼiin a béeykuntik le baʼaxoʼob a chʼaʼtukultmaj tu contra le máaxoʼob taak u beetkoʼobten kʼaasoʼ?
¿Bukaʼaj maas kʼaʼabéet in páaʼtik?+
85 Le kʼasaʼan máakoʼoboʼ ku páankoʼob jooloʼob utiaʼal in lúubul,letiʼobeʼ maʼatech u beetkoʼob baʼax ku yaʼalik a ley.
86 Jeʼel u páajtal u confiar máak tiʼ tuláakal a mandamientoʼobeʼ.
¡Áanteniʼ!, tumen yaan máaxoʼob taak u beetkoʼobten kʼaas kex mix baʼal in beetmajtiʼob.+
87 Jach óolak u kíimsenoʼob,kex beyoʼ maʼ xuʼul in beetik le baʼaxoʼob ka waʼalik ka beetaʼakoʼ.
88 Tumen jach a yaabiltmeneʼ kanáant in kuxtaliʼ,beyoʼ yaan in tsʼoʼokbesik le baʼaxoʼob ka kʼaʼajsiktenoʼ.
ל [Lamed]
89 Jéeoba Dios, mantatsʼ maʼalob le baʼax ka waʼalikoʼ,minaʼan kʼastal tiʼ, jeʼex le kaʼan minaʼan kʼastal tiʼoʼ.+
90 Techeʼ mantatsʼ ka weʼesik chúukaʼan óolal.+
Techeʼ ta maʼalob etsʼkúuntaj le luʼum utiaʼal ka pʼáatak mantatsʼoʼ.+
91 Tu yoʼolal le baʼaxoʼob a waʼalmoʼ letiʼobeʼ* pʼaatloʼob tak bejlaʼeʼ,tumen teech beetmiloʼob.
92 Chéen tumen jach in yaabiltmaj a leyeʼmaʼ kíimen teʼ kʼiinoʼob táan in muʼyajoʼ.+
93 Mix bikʼin u tuʼubulten le baʼaxoʼob ka waʼalik ka beetaʼakoʼ,tumen tu yoʼolaloʼobeʼ ta kanáantaj in kuxtal.+
94 A tiaʼal in kuxtal, salvarteniʼ,+tumen kin wilik in beetik le baʼaxoʼob ka waʼalik ka beetaʼakoʼ.+
95 Le kʼasaʼan máakoʼoboʼ taak u kíimskenoʼob,kex beyoʼ teneʼ jach kin beetik u cuentail le baʼaxoʼob ka kʼaʼajsiktenoʼ.
96 Tsʼoʼok in wilkeʼ tak le baʼaloʼob jach maʼalobtakoʼ yaan defecto tiʼob,pero a mandamientoʼobeʼ mix junpʼéel defecto yaantiʼob.
מ [Mem]
97 ¡Jach in yaabiltmaj a ley!+
Bul kʼiin táan in tuukul tiʼ letiʼob.*+
98 A mandamientoʼobeʼ ku beetik u maas antal in naʼat tiʼ in enemigoʼob,+tumen mantatsʼ ku nuʼuktik in kuxtal.
99 Maas yaan in naʼat ke tiʼ le máaxoʼob kaʼansmilenoʼ,+tumen kin tuukul tiʼ* le baʼaxoʼob ka kʼaʼajsiktenoʼ.
100 Kin weʼesik maas yaan in naʼat ke le máaxoʼob maas úuchbenoʼoboʼ,tumen kin tsʼoʼokbesik le baʼaxoʼob ka waʼalik ka beetaʼakoʼ.
101 Maʼ tin wóotik xíimbal tiʼ junpʼéel bej maʼ maʼalobiʼ,+beyoʼ ku páajtal in beetik baʼax ka waʼalik.
102 Teech kaʼansmilen,le oʼolal mantatsʼ kin beetik le baʼaxoʼob a waʼalmoʼ.
103 ¡Le baʼaxoʼob ka waʼalikoʼ jach táaj chʼujuk in wuʼuyik,maas chʼujuk ke le kaaboʼ!+
104 Le baʼaxoʼob ka waʼalik ka beetaʼakoʼ ku yáantkenoʼob in beet baʼax maʼalob.+
Le oʼolal in pʼekmaj tuláakal bej maʼ maʼalobiʼ.+
נ [Nun]
105 A tʼaaneʼ junpʼéel lámpara utiaʼal in wook,bey junpʼéel sáasil ku julik le bej tuʼux kin máanoʼ.+
106 Tsʼoʼok in jurartik in tsʼoʼokbesik le baʼaxoʼob a waʼalmoʼ,yaan xan in wilik in beetik.
107 Tsʼoʼok u sen beetaʼal in muʼyaj.+
Jéeoba Dios, kanáant in kuxtal jeʼex a waʼalmiloʼ.+
108 Jéeoba Dios, beet uts a kʼamik le alabanza kin tsʼáaiktechoʼ.*+
Kaʼansten le baʼaxoʼob a chʼaʼtukultmoʼ.+
109 Mantatsʼ tiaʼan in kuxtal tu chiʼ kíimileʼ,kex beyoʼ maʼ in tuʼubs a leyiʼ.+
110 Le kʼasaʼan máakoʼoboʼ tsʼoʼok u tsʼáaikoʼob junpʼéel trampa tin beel,kex beyoʼ maʼ kʼéechken tiʼ le baʼaxoʼob ka waʼalik ka beetaʼakoʼ.+
111 Mantatsʼ ken in beet le baʼaxoʼob ka kʼaʼajsiktenoʼ,tumen letiʼe baʼax beetik u kiʼimaktal u yóol in puksiʼikʼaloʼ.+
112 Tsʼoʼok in chʼaʼtuklik* in beetik le baʼaxoʼob ka waʼaliktuláakal u kʼiiniloʼob in kuxtaloʼ.
ס [Samek]
113 In pʼekmaj le máaxoʼob kaʼapʼéel u yóol u puksiʼikʼaloʼoboʼ,+pero in yaabiltmaj a ley.+
114 Beyech junpʼéel lugar tuʼux jeʼel u páajtal in taʼakikinbaeʼ, beyech junpʼéel escudo in tiaʼaleʼ,+táan in páaʼtik a beetik le baʼax a waʼalmoʼ.+
115 Kʼasaʼan máakeʼex, maʼ a natsʼkabaʼex tiʼ teen,+beyoʼ yaan u béeytal in tsʼoʼokbesik u mandamientoʼob in Dios.
116 In Dios, kanáanten jeʼex a waʼalmiloʼ,+beyoʼ yaan u seguer in kuxtal.
Teneʼ kin confiar tiʼ teech, maʼ a chaʼik in pʼáatal kʼaasil.+
117 Áanten utiaʼal in salvarkinba,+beyoʼ yaan in chʼíikil in beet le baʼaxoʼob ka waʼalikoʼ.+
118 Maʼatech a kʼamik le máaxoʼob ku kʼéechloʼob tiʼ baʼaxoʼob ka waʼalikoʼ,+tumen letiʼobeʼ chéen tuus ku beetkoʼob, maʼ tu páajtal u confiar máak tiʼ letiʼob.
119 Maʼ ta chaʼik u pʼáatal mix juntúul kʼasaʼan máak way luʼumeʼ, ka pulkoʼob jeʼex u puʼulul basuraeʼ.+
Le oʼolal in yaabiltmaj le baʼaxoʼob ka kʼaʼajsiktenoʼ.
120 Kin kikilankil tumen saajken tiʼ teech,saajken maʼ in beetik le baʼaxoʼob a waʼalmoʼ.
ע [Ayin]
121 Tsʼoʼok in beetik baʼax toj yéetel baʼax maʼalob.
¡Maʼ a pʼatken tu kʼab le kʼasaʼan máakoʼoboʼ!
122 Maʼ a chaʼik u beetaʼalten loob,maʼ a chaʼik u beetaʼal in muʼyaj tumen le kʼasaʼan máakoʼoboʼ.
123 Tak in wichoʼob tsʼoʼok u kaʼanaloʼob tumen táan in páaʼtik baʼax hora a taal a salvarten+yéetel a beetik le baʼax a waʼalmoʼ.+
124 Eʼesten a nojoch yaabilaj,+kaʼansten baʼax a kʼáat ka in beete.+
125 Teech kin meyajtikech, tsʼáaten naʼat+utiaʼal u páajtal in kaanbal tiʼ le baʼaxoʼob ka kʼaʼajsiktenoʼ.
126 Jéeoba, tsʼoʼok u kʼuchul u kʼiinil a castigartik le kʼasaʼan máakoʼoboʼ,+tumen maʼatech u tsʼoʼokbeskoʼob a ley.
127 Pero teneʼ in yaabiltmaj a mandamientoʼob,maas in yaabiltmaj ke oro, maas ke tiʼ jach maʼalob oro.+
128 Maʼalob in wilik tuláakal baʼax ka waʼalik.+
In pʼekmaj tuláakal bej maʼ maʼalobiʼ.+
פ [Pe]
129 Jach táaj maʼalob le baʼaxoʼob ka kʼaʼajsiktenoʼ,le oʼolal kin wilik in tsʼoʼokbeskoʼob.
130 Le baʼax ka waʼalikoʼ bey junpʼéel sáasileʼ,+ku beetik u yantal u naʼat le máaxoʼob minaʼan u naʼatoʼoboʼ.+
131 Jach kin tsʼíiboltik in wuʼuyik a mandamientoʼob,+hasta jaajap in chiʼ táan in páaʼtik in wuʼuyik.
132 Koʼoten tin wiknal utiaʼal a weʼesikten a wutsil,+jeʼex a waʼalmaj a beetik yoʼolal le máaxoʼob yaabiltmil a kʼaabaʼoʼ.+
133 Aʼalten bix unaj in kuxtal,maʼ a chaʼik in beetik mix baʼal kʼaas.+
134 Maʼ a pʼatken tu kʼab le kʼasaʼan máakoʼoboʼ,beyoʼ yaan in beetik tuláakal le baʼaxoʼob ka waʼalik ka beetaʼakoʼ.
135 Eʼesten a wutsil,+kaʼansten baʼax a kʼáat ka in beete.
136 Maʼ tu xuʼulul u yáalal u jaʼil in wichoʼobtumen maʼatech u tsʼoʼokbesaʼal baʼax ku yaʼalik a ley.+
צ [Tsade]
137 Jéeoba Dios, techeʼ justoech,+tojtak le baʼaxoʼob a chʼaʼtukultmaj u yúuchloʼ.+
138 Jach maʼalob tuláakal le baʼaxoʼob ka kʼaʼajsik tiʼ máakoʼ,jeʼel u páajtal u confiar máak tiʼ letiʼobeʼ.
139 Le máaxoʼob pʼekmilenoʼ ku beetkoʼob in pʼuʼujul,+tumen maʼatech u beetkoʼob baʼax ka waʼalik.
140 Le baʼaxoʼob ka waʼalikoʼ jach táaj maʼalob,+teneʼ jach in yaabiltmoʼob.+
141 Tu táan uláakʼ máakoʼobeʼ jach mix baʼalen,+ hasta u pʼeek u yilkenoʼob,pero teneʼ kin beetik tuláakal le baʼaxoʼob ka waʼalik ka beetaʼakoʼ.
142 Techeʼ mantatsʼ ka beetik justicia,+le baʼax ku yaʼalik a leyoʼ letiʼ u jaajil.+
143 Kex taalak yaayaj kʼiinoʼob yéetel problemas tin wóokʼoleʼ,maʼ kun xuʼulul in tsʼoʼokbesik a mandamientoʼob.
144 Le baʼaxoʼob ka kʼaʼajsik tiʼ máakoʼ mantatsʼ maʼalobtak.
Tsʼáaten naʼat,+ beyoʼ yaan u seguer in kuxtal.
ק [Kof]
145 Jéeoba Dios, yéetel u jaajil in wóol kin tʼankech, uʼuyeniʼ.
Yaan in beetik tuláakal le baʼaxoʼob ka waʼalikoʼ.
146 Táan in sen kʼáatiktech ka a salvarten,teneʼ yaan in tsʼoʼokbesik tuláakal le baʼaxoʼob ka kʼaʼajsiktenoʼ.
147 Maʼ sáasakeʼ tsʼoʼok in wajal utiaʼal in kʼáatiktech áantaj,+jach kin páaʼtik baʼax ken a waʼalten.
148 Ku pʼiʼilil in wich chúumuk áakʼabutiaʼal in tuukul tiʼ* le baʼaxoʼob ka waʼalikoʼ.+
149 Techeʼ jach a yaabiltmen, uʼuy baʼax kin waʼalik.+
Jéeoba Dios, techeʼ ka beetik baʼax justo, kanáant in kuxtaliʼ.
150 Le máaxoʼob kʼaas bix u kuxtaloʼoboʼ ku líikʼloʼob tin contra,letiʼobeʼ junpuliʼ maʼ tu beetkoʼob baʼax ku yaʼalik a ley.
151 Jéeoba Dios, techeʼ tiaʼanech tin wiknaleʼ,+jaaj tuláakal baʼax ku yaʼalik a mandamientoʼob.+
152 Úuch in wojéelt bix a kʼaʼajsik u yiikʼ máak,le baʼaxoʼob ka waʼalikoʼ mix bikʼin u kʼexpajloʼob.+
ר [Reix]
153 Ilawil bix in muʼyaj, salvarteniʼ,+tumen maʼ in tuʼubs a leyiʼ.
154 Áanteniʼ, maʼ a pʼatken tin juunal.+
Kanáant in kuxtal jeʼex a waʼalmiloʼ.
155 Le kʼasaʼan máakoʼoboʼ maʼ tu páajtal u salvarkubaʼob,tumen maʼatech u beetkoʼob le baʼaxoʼob ka waʼalikoʼ.+
156 Jéeoba Dios, techeʼ jach ka chʼaʼik óotsilil.+
Techeʼ ka beetik baʼax justo, kanáant in kuxtaliʼ.
157 Yaʼab máaxoʼob pʼekmilen yéetel chʼaʼpachtiken,+kex beyoʼ maʼ kʼéechken tiʼ le baʼaxoʼob ka waʼalikten utiaʼal a kʼaʼajsik in wiikʼoʼ.
158 In pʼeek in paktik le traicioneroʼoboʼ,tumen maʼatech u beetkoʼob baʼax ka waʼalik.+
159 ¡Ilawil bukaʼaj in yaabiltmil le baʼaxoʼob ka waʼalik ka beetaʼakoʼ!
Jéeoba Dios, techeʼ jach a yaabiltmen, kanáant in kuxtaliʼ.+
160 Tuláakal baʼax ka waʼalikeʼ jaajtak,+mantatsʼ maʼalobtak le baʼaxoʼob ka chʼaʼtuklik u yúuchloʼ.
ש [Sin] wa [Xin]
161 Kex minaʼan baʼax oʼolaleʼ kin chʼaʼpachtaʼal tumen príncipeʼob,+chéen baʼaleʼ teneʼ chʼiikilen in wil bix jeʼel in tsʼoʼokbesik baʼax ka waʼalikeʼ.+
162 Ku kiʼimakkúuntik in wóol le baʼaxoʼob ka waʼalikoʼ,+jeʼex u kiʼimaktal u yóol juntúul máak ku kaxtik junpʼéel tesoroeʼ.
163 In pʼekmaj u yaʼalaʼal baʼaloʼob maʼ jaajtakiʼ, jach táaj in pʼekmaj,+pero in yaabiltmaj a ley.+
164 Siete u téenel kin alabarkech tiʼ junpʼéel kʼiin,tumen jach maʼalob le baʼaxoʼob ka chʼaʼtuklik u yúuchloʼ.
165 Jach yaan jeetsʼelil tiʼ le máaxoʼob u yaabiltmoʼob a leyoʼ,+mix baʼal jeʼel u beetik u tʼóochpajloʼobeʼ.
166 Jéeoba Dios, táan in páaʼtik a salvarken,tumen táan in tsʼoʼokbesik a mandamientoʼob.
167 Kin tsʼoʼokbesik le baʼaxoʼob ka kʼaʼajsiktenoʼ,jach tu jaajil in yaabiltmoʼob.+
168 Kin tsʼoʼokbesik le baʼaxoʼob ka waʼalikoʼ bey xan le baʼaxoʼob ka kʼaʼajsik tiʼ máakoʼ,techeʼ a wojel tuláakal baʼax kin beetik.+
ת [Taw]
169 Jéeoba Dios, kexiʼ ka kʼuchuk ta wiknal le baʼaxoʼob kin sen kʼáatiktechoʼ.+
Beet u yantal in naʼat yéetel le baʼax ka waʼalikoʼ.+
170 Kexiʼ ka kʼuchuk ta wiknal le baʼaxoʼob kin kʼáatiktechoʼ,salvarten jeʼex a waʼalmiloʼ.
171 Maʼ kun xuʼulul in alabarkech yéetel in chiʼ,+tumen ka kaʼansikten baʼax a kʼáat ka in beete.
172 Le kéen kʼaaynakeneʼ yaan in tʼaan tiʼ le baʼaxoʼob ka waʼalikoʼ,+tumen jach maʼalob tuláakal a mandamientoʼob.
173 Preparart a kʼab utiaʼal a wáantken,+in chʼaʼtukultmaj in beetik tuláakal le baʼaxoʼob ka waʼalik ka beetaʼakoʼ.+
174 Jéeoba Dios, jach kin tsʼíiboltik a salvarken,jach in yaabiltmaj a ley.+
175 Chaʼa u seguer in kuxtal utiaʼal in alabarkech.+
Ka u yáanten le baʼaxoʼob ka chʼaʼtuklikoʼ.
176 Saatlen jeʼex juntúul tamaneʼ,+ koʼoten a kaxteniʼ,tumen maʼ in tuʼubs a mandamientoʼobiʼ.+
Notas
^ Wa «x-lóoʼbayan».
^ Wa «in xakʼalxoktik».
^ Wa «in xakʼalxoktik».
^ Wa «in xakʼalxoktik».
^ Uláakʼ bix u traducirtaʼaleʼ «ka beetik u yantal confianza tiʼ in puksiʼikʼal».
^ Wa «Beet in xíimbal tu bejil».
^ Wa «xakʼalxoktik».
^ Wa «le jaats ku tocartenoʼ».
^ Wa «xakʼalxoktik».
^ Teʼelaʼ táan u tʼaan tiʼ tuláakal le baʼaxoʼob u beetmaj Diosoʼ.
^ Wa «xakʼalxoktikoʼob».
^ Wa «xakʼalxoktik».
^ Ich hebreoeʼ ku yaʼalaʼal kaʼach «le siibaloʼob ku jóokʼol tin chiʼoʼ».
^ Ich hebreoeʼ ku yaʼalaʼal kaʼach «Tsʼoʼok u chíinil in puksiʼikʼal».
^ Wa «xakʼalxoktik».
