Salmos 139:1-24
Utiaʼal máax ku nuʼuktaj. Le kʼaayaʼ David tsʼíibte.
139 Jéeoba Dios, techeʼ a kʼaj óolen tumen tsʼoʼok a jach ilik bix in kuxtal.+
2 A wojel tak baʼax hora tin kutal bey xan baʼax hora tin líikʼil.+
Kex teʼ kaʼan yanechoʼ ku páajtal a wojéeltik baʼax kin tuklik.+
3 A wojel baʼax hora tin jóokʼol tin wotoch bey xan baʼax hora tin suut jeʼelel.
Techeʼ a kʼaj óol tuláakal in beeloʼob.+
4 Jéeoba Dios, antes u jóokʼol tin chiʼ in waʼalik wa baʼaxeʼ,techeʼ a wojel baʼax ken in waʼale.+
5 Tiaʼanech tin wiknal utiaʼal a kanáantkeneʼ,a machmen utiaʼal maʼ in lúubul.
6 Teneʼ maʼ tu páajtal in wojéeltik tuláakal le baʼaxoʼob ka beetkoʼ,junpuliʼ maʼ tu páajtal in naʼatkoʼob.+
7 ¿Tuʼux jeʼel u páajtal in bin utiaʼal in púutsʼultecheʼ?
¿Tuʼux jeʼel u páajtal in bin utiaʼal maʼ a wilkeneʼ?+
8 Wa ka xiʼiken teʼ kaʼanoʼ, tiʼ yanechiʼ,wa ka xiʼiken teʼ Muknaloʼ,* tiʼ xan yanechiʼ.+
9 Wa ka béeyak in xikʼnal yéetel ka in kʼáatmáans tu séebaʼanil le kaʼanjeʼex u beetik u juul le Kʼiin le táan u taal u sáastal utiaʼal in bin kajtal tu xuul le kʼáaʼnáaboʼ,
10 tak teʼeloʼ jeʼel u seguer a nuʼuktiken yéetel a kʼabeʼ,jeʼel a machken yéetel a x-noʼoj kʼabeʼ.+
11 Wa ka in waʼal: «¡Nikaʼaj tuʼux éeʼjochʼeʼen, beyoʼ mix máak kun ilken!»,leloʼ maʼ jaajiʼ tumen techeʼ jeʼel a sáasilkuntik le tuʼux éeʼjochʼeʼenoʼ.
12 Le tuʼux éeʼjochʼeʼen u yilik máakoʼ, maʼ éeʼjochʼeʼen a tiaʼaliʼ.
Le tuʼux de áakʼab u yilik máakoʼ, techeʼ de kʼiin a wilik.+
Le tuʼux éeʼjochʼeʼen u yilik máakoʼ, techeʼ sáasil a wilik.+
13 Teech beet in riñónoʼob.
Le tiaʼanen ichil u nakʼ in maamaoʼ ta pixen utiaʼal a kanáantken.+
14 Kin alabarkechtumen jach táaj maʼalob a beetmilen.+
In wojel jach maʼalob tuláakal baʼax ka beetik.+
15 Techeʼ ta wilaj u káajal u formar in mejen baakeloʼob,ta wilen ka káaj in formarichil u nakʼ in maama.*+
16 Ta wilen antes in síijil.
Tak antes u káajal in formareʼa tsʼíibtmaj ta libro baʼax kʼiin unaj u káajal u formarcada parte tiʼ in wíinklil.
17 ¡Kin tsʼáaik cuenta jach táaj yaan a naʼat!+
In Dios, ¡jach táaj yaʼab baʼax a wojel!+
18 Maʼ tu páajtal in wojéeltik bukaʼaj baʼaxoʼob a wojel tumen maas yaʼab ke le arena yaan teʼ kʼáaʼnáaboʼ.+
Wa ka in wóot in xokeʼ jeʼel tak u sáastal maʼ tsʼoʼokok in xokikeʼ.+
19 In Dios, ¡bukaʼaj maʼalobil wa ka a xuʼuls tiʼ le kʼasaʼan máakoʼoboʼ!+
Beyoʼ maʼ kun náatsʼal tin wiknal le máaxoʼob chéen loob ku beetkoʼoboʼ,
20 le máaxoʼob ku yaʼalikoʼobtech baʼaloʼ.
Letiʼobeʼ a enemigoʼob tumen maʼ maʼalob bix u meyajtiʼob a kʼaabaʼiʼ.+
21 Jéeoba Dios, teneʼ in pʼekmaj le máaxoʼob pʼekmilechoʼ,+jach in pʼekmaj le máaxoʼob ku líikʼloʼob ta contraoʼ,+
22 jach táaj in pʼekmoʼob,+kin wilkoʼob bey in enemigoʼobeʼ.
23 In Dios, jach ilawil bix in kuxtal bey xan baʼax yaan tin puksiʼikʼal.+
Ilawil baʼax kin beetik bey xan baʼax kin sen tuklik.+
24 Ilawil wa táan in bin tiʼ junpʼéel bej jeʼel u beetik in muʼyajeʼ.+
Bisen+ teʼ bej minaʼan xuʼulultiʼoʼ.
