¿Baʼaxoʼob tsʼíibtaʼan teʼ Bibliaoʼ?
A tuklikeʼ:
-
¿chéen wa u tuukul wíinik?
-
¿chéen wa cuentos yaniʼ?
-
¿wa u tuukul Dios?
LE BIBLIAOʼ KU YAʼALIK
«Tuláakal Tsʼíibeʼ tiʼ Dios u taal» (2 Timoteo 3:16, Túumben Luʼum).
BIX U YÁANTKECH LELAʼ
Yaan a kanik baʼaloʼob úuch taakak a wojéeltik (Proverbios 2:1-5).
Yaan u yáantkech a nuʼukt a kuxtal jeʼex unajeʼ (Salmo 119:105).
Yaan a kanik le baʼaxoʼob jatsʼutstak ken u beet Diosoʼ (Romanos 15:4).
¿JEʼEL WA U PÁAJTAL A CREERTIK BAʼAX KU YAʼALIK LE BIBLIAOʼ?
Jeʼeleʼ, ilawil baʼaxten:
-
Junpʼéeliliʼ baʼax ku kaʼansik. Le Bibliaoʼ tsʼíibtaʼab tu yáamil mil seiscientos años tumen óoliʼ cuarenta máakoʼob. Yaʼab tiʼ letiʼobeʼ maʼ tu kʼaj óoltubaʼobiʼ. Kex beyoʼ le Bibliaoʼ ku tʼaan tiʼ junpʼéeliliʼ baʼal.
-
Ku yaʼalik u jaajil. Le máaxoʼob tsʼíibtik baʼaxoʼob uchaʼantakoʼ, u suukileʼ maʼatech u tʼaanoʼob tiʼ bix perdernajik u kaajaloʼob. Baʼaleʼ le máaxoʼob tsʼíibt le Bibliaoʼ tu yaʼaloʼob le baʼaxoʼob maʼ maʼalobtak tu beetoʼoboʼ bey xan le tu beetaj u yéet kaajaloʼoboʼ (2 Crónicas 36:15, 16; Salmo 51:1-4).
-
Ku béeytal baʼax ku yaʼalik. Maas tiʼ doscientos años táanil tiʼ u yúuchleʼ le Bibliaoʼ tu yaʼaleʼ yaan u xuʼulsaʼal u kaajil Babilonia (Isaías 13:17-22). Tu yaʼalaj máax kun beetik yéetel bix kun xuʼulsbil (Isaías 45:1-3).
Yaʼab uláakʼ profecíaʼob tsʼoʼok u béeytaloʼob jach jeʼex aʼalaʼaniloʼ. ¿Máasaʼ lelaʼ ku yeʼesikeʼ le Bibliaoʼ tiʼ Dios u taal? (2 Pedro 1:21).
TUKULTE
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Tuʼux u taal le Bibliaoʼ?
Ojéelt le jatsʼuts baʼax yaan teʼ Biblia u kʼáat Dios ka ojéeltaʼakoʼ.
BAʼALOʼOB KU NÚUKAʼAL TEʼ BIBLIAOʼ
¿Baʼax jeʼel u yáantkech a naʼat le Bibliaoʼ?
Jeʼel u páajtal a wojéeltik le jatsʼuts baʼaloʼob ku kaʼansik le Bibliaoʼ.
BAʼALOʼOB UNAJ A KANIK
¿Bix jeʼel a wojéeltik jaaj baʼax ku yaʼalik le Bibliaoʼ?
Wa tiʼ Dios u taal le Bibliaoʼ u kʼáat u yaʼaleʼ minaʼan uláakʼ libro jeʼex letiʼeʼ.
KʼAJ ÓOLTOʼONIʼ
¿Baʼaxten unaj a xokik le Bibliaoʼ?
Teʼ Bibliaoʼ u millonesil máakoʼob tiʼ tuláakal tuʼux táan u kankoʼob u núukil le kʼáatchiʼob maas kʼaʼanaʼantakoʼ. ¿Kux túun teech?
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
