Eʼesaʼab yaabilaj tiʼob
YOMARA, Marcelo yéetel Hivereʼ óoxtúul sukuʼuntsiloʼob chʼóopoʼob, letiʼobeʼ kajaʼanoʼob tiʼ junpʼéel chan kaaj yaan Guatemala. Tiʼ Yomara káaj u tsʼaʼabal xook tumen le Testigoʼoboʼ yéetel ka tsʼoʼokeʼ káaj xan u xook Marcelo yéetel Hiver. Chéen baʼaleʼ maʼ u yojloʼob u xokoʼob kaʼach brailleiʼ. Le oʼolal le máax tsʼáaik xook tiʼoboʼ letiʼ xokik kaʼach le párrafoʼoboʼ bey xan le tekstoʼoboʼ.
Maʼ chéen chʼaʼabil u binoʼob kaʼach teʼ reuniónoʼoboʼ tumen ku xáantal maas tiʼ media hora u kʼuchloʼob teʼ salón tuʼux ku muchʼkubaʼoboʼ, tsʼoʼoleʼ maʼ tu páajtal u binoʼob chéen tu juunaloʼob. Le beetkeʼ le sukuʼunoʼoboʼ ku turnarkubaʼob utiaʼal ka bisaʼakoʼob teʼ reuniónoʼoboʼ. Tsʼoʼoleʼ ku yáantaʼaloʼob xan utiaʼal u kankoʼob de memoriail le baʼax ken u comentartoʼob teʼ reunión ku beetaʼal ich yáam semanaoʼ.
Tu mesil mayo tiʼ 2019, káaj u beetaʼal reuniónoʼob teʼ tuʼux kajaʼanoʼoboʼ. Teʼeloʼ yaan kaʼach juntúul sukuʼun yéetel u yatan tsʼokaʼaniliʼ u binoʼob kajtaliʼ. Letiʼobeʼ kex maʼ u yojloʼob brailleeʼ taak kaʼach u kaʼanskoʼob tiʼ le óoxtúul sukuʼuntsiloʼob bix jeʼel u tsʼíibtikoʼob yéetel u xokikoʼobeʼ. Le oʼolaleʼ binoʼob tiʼ junpʼéel biblioteca utiaʼal u yilkoʼob teʼ libroʼob bix jeʼel u beetkoʼobeʼ.
Marceloeʼ táan u comentar teʼ reuniónoʼ
Ka máan wa jaypʼéel meseseʼ le óoxtúul sukuʼuntsiloʼoboʼ tsʼokaʼaniliʼ u kanik u xokikoʼob yéetel u tsʼíibtikoʼob brailleeʼ, leloʼ jach tu yáantoʼob utiaʼal ka u maas bisubaʼob yéetel Jéeoba. a Teʼ kʼiinoʼobaʼ Yomara yéetel Hivereʼ precursor regularoʼob, Marcelo xaneʼ precursor regular yéetel siervo ministerial. Letiʼobeʼ jach u tsʼaamaj u yóol u meyajtoʼob Jéeoba yéetel kiʼimak óolal, le oʼolal u maasil sukuʼunoʼobeʼ ku taaktal u beetkoʼob xan beyoʼ.
Yomara, Marcelo yéetel Hivereʼ jach kiʼimak u yóoloʼob tumen jach tsʼoʼok u yeʼesaʼal yaabilaj tiʼob tumen le sukuʼunoʼoboʼ yéetel tsʼoʼok xan u yáantaʼaloʼob. Yomaraeʼ ku yaʼalik: «Desde le yáax kʼiin ka t-kʼaj óoltaj le Testigoʼoboʼ jach tu yeʼesoʼobtoʼon yaabilaj». Marceloeʼ ku yaʼalik xan: «Yaʼab amigoʼob yaantoʼon teʼ múuchʼuliloʼ, tsʼoʼoleʼ táakaʼanoʼon ichil junpʼéel nojoch familia jach u yaabiltmuba». Le óoxtúul sukuʼuntsiloʼobaʼ jach ku tsʼíiboltkoʼob u kʼuchul u kʼiinil u yilkoʼob le Luʼum sutaʼan junpʼéel paraísooʼ (Sal. 37:10, 11; Isa. 35:5).
a Yaan junpʼéel folleto ku kʼaabaʼtik Kan a xok braille, lelaʼ beetaʼan utiaʼal u yáantaʼal le máaxoʼob chʼóopoʼoboʼ wa le maʼ jach sáasil u paakatoʼob utiaʼal u kanik u xokikoʼob wa u tsʼíibtoʼob brailleoʼ.
Maʼ xaaneʼ jeʼel u yutstal xan ta wicheʼ
K-BEETIK JÓOʼSAʼANILOʼOB
Biblia braille: «Yéetel lelaʼ maʼ tin saʼatal»
Uʼuy u tsikbalil juntúul máak minaʼan u sáasil, baʼaleʼ ku páajtal u xokik le Biblia ich brailleoʼ.
BIX U MEYAJTOʼON LE DONACIÓNOʼOBOʼ
Mejen puntoʼob ku kʼexik u kuxtal máak
Toʼoneʼ maʼ chéen k-beetik publicaciónoʼob ich brailleeʼ, baʼaxeʼ k-kaʼansik le chʼóopoʼob u xokoʼoboʼ.
