ÚUCHBEN KAʼANSAJ UTIAʼAL LE KUXTAL BEJLAʼOʼ
Maʼ a sen chiʼichnaktal
BAʼAX KU YAʼALIK LE BIBLIAOʼ: «Xuʼuluk a chiʼichnaktaleʼex» (Mateo 6:25).
¿Baʼax u kʼáat u yaʼale? Lelaʼ Jesús aʼal tu Kaʼansajil le Puʼukoʼ. Junpʼéel diccionario biblicoeʼ ku yaʼalikeʼ le tʼaan ich griego ku suʼutul «chiʼichnaktal» teʼ tekstoaʼ letiʼe «bix u yuʼubikuba máak ken u máans óotsilil, wiʼijil yéetel uláakʼ problemaʼob tiʼ le kuxtaloʼ». Yaʼab u téeneleʼ le baʼax beetik k-chiʼichnaktaloʼ letiʼe k-tuklik baʼax jeʼel u yúuchloʼ. Maʼ kʼaas u tuklik máak baʼax kʼaʼabéet tiʼ letiʼ wa tiʼ le máaxoʼob u yaabiltmoʼ (Filiposiloʼob 2:20). Baʼaleʼ le ka tu yaʼalaj Jesús «maʼ a sen chiʼichnaktaleʼex[eʼ]» tu yóotaj u yaʼal maʼ u sen chʼíikil u tukult máak baʼax kʼaʼabéettiʼ ka tak pʼáatak maʼ kiʼimak u yóoliʼ (Mateo 6:31, 34).
¿Jeʼel wa u meyaj teʼ kʼiinoʼobaʼ? Jach jaaj le baʼax tu yaʼalaj Jesusoʼ. Yaan libroʼobeʼ ku yaʼalikoʼobeʼ wa maʼ tu controlartik máak u chiʼichnakileʼ ku léekel u nervios yéetel ku pʼáatal bey mantatsʼ saajkeʼ. Le libroʼobaʼ ku yaʼalikoʼob xaneʼ juntúul máak beyaʼ «jeʼel u tsaʼayaltiʼ kʼojaʼaniloʼob jeʼex ulceraʼob, kʼojaʼanil tu puksiʼikʼal wa asma».
Jesuseʼ tu yaʼalaj baʼaxten maʼ unaj k-sen chiʼichnaktaliʼ. Tumen chéen kunel. Tu yaʼalaj: «¿Máax tiʼ teʼex ikil u sen chiʼichnaktaleʼ, jeʼel u chowakkíintik junpʼíit maas u kuxtaleʼ?» (Mateo 6:27). Kex ka chʼíikikoʼon k-tukult baʼax ku yúuchultoʼoneʼ maʼ tu maas chowaktal k-kuxtal. Tsʼoʼoleʼ yaan horaeʼ maʼ jach kʼaas u bin tiʼ máak jeʼex u tuklik kaʼachoʼ. Juntúul máak jach xooknajaʼaneʼ tu yaʼalaj: «Chéen kunel a chiʼichnaktal yoʼolal baʼax maʼ úuchkiʼ; yaʼab u téeneleʼ maʼ jach kʼaas u bintoʼon jeʼex k-tuklik kaʼach yoʼolal k-saajkiloʼ».
¿Baʼax jeʼel a beetik utiaʼal maʼ a sen chiʼichnaktaleʼ? Yáaxeʼ confiarnen tiʼ Dios. Wa Dios ku tséentik le chʼíichʼoʼob yéetel ku vestirtik le looloʼoboʼ, ¿maʼ wa maas yaan u tsʼáaik baʼax kʼaʼabéet tiʼ máaxoʼob meyajtkiʼ? (Mateo 6:25, 26, 28-30). U kaʼapʼéel: tuukulnen chéen tiʼ junpʼéel kʼiin. Jesuseʼ tu yaʼalaj: «Maʼ a sen chiʼichnaktaleʼex yoʼolal u kʼiinil sáamal, tumen sáamaleʼ yaan xan u yantal baʼaloʼob jeʼel u beetik a chiʼichnaktaleʼexeʼ. Cada kʼiineʼ yaan yéetel le chiʼichnakiloʼob ku taaskoʼ» (Mateo 6:34).
Wa k-beetik baʼax tu yaʼalaj Jesuseʼ maʼ ten k-sen kʼojaʼantal yéetel yaan u yantaltoʼon «u jeetsʼelil Dios» (Filiposiloʼob 4:6, 7).
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Jeʼel wa u yáantken le baʼax ku yaʼalik le Bibliaoʼ?
Le baʼax ku yaʼalik le Bibliaoʼ tsʼoʼok u yáantik yaʼab máakoʼob táan u aktáantkoʼob problemaʼob yéetel chiʼichnakiloʼob.
ULÁAKʼ BAʼALOʼOB
Le Bibliaoʼ jeʼel u yáantik le xiiboʼob yaan ansiedad tiʼoboʼ
Teʼ kʼiinoʼobaʼ tiʼ yaʼab máak ku tsaʼayal ansiedad. Wa bey u yúuchultechoʼ le Bibliaoʼ jach jeʼel u yáantkecheʼ.
TEKSTOʼOB KU MAAS TSOʼOLOL
Mateo 6:34 | «Maʼ a sen chiʼichnaktaleʼex yoʼolal u kʼiinil sáamal»
Jesúseʼ maʼ tu yóotaj u yaʼal wa jach junpuliʼ maʼ unaj k-tuklik baʼax ken k-beet sáamaliʼ.
BAʼALOʼOB KʼAʼANAʼANTAK KU KAʼANSIK LE BIBLIAOʼ
¿Tuʼux jeʼel a kaxtik u núukil le preguntaʼob úuch taakak a wojéeltikoʼ?
¿Yaan wa baʼax a kʼáat a wojéelt yoʼolal le kuxtaloʼ, baʼax ku yúuchul tiʼ máak ken kíimik wa baʼax ku taal u kʼiin? Wa beyoʼ jeʼel u páajtal a wojéeltikeʼ. Pero ¿tuʼuxiʼ?
BAʼALOʼOB KU NÚUKAʼAL TEʼ BIBLIAOʼ
Jeʼel u yantaltech esperanzaeʼ
Le promesaʼob tsʼíibtaʼan teʼ Bibliaoʼ ku tsʼáaiktoʼon esperanza teʼ kʼiinoʼobaʼ bey xan teʼ kʼiinoʼob ku taaloʼoboʼ.
KʼAJ ÓOLTOʼONIʼ
Kʼáat ka kaʼansaʼakech yéetel le Bibliaoʼ
Wa yaan baʼax taak a wojéeltik yoʼolal le Bibliaoʼ kʼáat ka áantaʼakech tumen juntúul u testigo Jéeoba wa kʼáat ka tsʼaʼabaktech xook.
