Kʼáatchiʼob ku núukik le Bibliaoʼ
¿Baʼaxten unaj k-kʼáatik ka taalak u Reino Dios?
¿A kʼáat wa a wojéelt u maasil yoʼolal u Reino Dios bey xan yoʼolal le utsiloʼob ken u taasoʼ?
U Reino Dioseʼ junpʼéel gobierno yaan teʼ kaʼanoʼ. Jesuseʼ tu kaʼansaj tiʼ u disipuloʼob ka orarnakoʼob utiaʼal ka taalak u Reino Dios tumen chéen letiʼ jeʼel u taasik justicia yéetel jeetsʼelil way Luʼumeʼ. U gobierno wíinikeʼ maʼ tu páajtal u xuʼulsik le baʼateloʼ, le kʼasaʼaniloʼ mix le kʼojaʼaniloʼ, baʼaleʼ u gobierno Dioseʼ jeʼel u beetkeʼ. Dioseʼ tsʼoʼok u tsʼáaik Jesucristo u beet u reyil tiʼ le Reinooʼ; tsʼoʼok xan u yéeyik junmúuchʼ máakoʼob utiaʼal u gobernaroʼob tu yéetel. (Xok Lucas 11:2; 22:28-30.)
Le Reinooʼ jach taʼaytak u xuʼulsik tuláakal u enemigoʼob Dios. Bey túunoʼ ken k-kʼáat ka taalak le Reinooʼ táan k-kʼáatik tiʼ Dios ka u luʼs tuláakal le gobiernoʼob yaan bejlaʼoʼ. (Xok Daniel 7:13, 14; Apocalipsis 11:15, 18.)
¿Baʼaxten jeʼel u taasiktoʼon utsil u Reino Dioseʼ?
Jesuseʼ letiʼe Rey maas maʼaloboʼ tumen ku chʼaʼik óotsilil tiʼ le máakoʼoboʼ. Letiʼeʼ u Paal Dios, le oʼolal jeʼel u páajtal u yáantik tuláakal máax ku kʼáat óol tiʼ Dioseʼ. (Xok Salmo 72:8, 12-14.)
Le máax ku yuʼubik u tʼaan Dios yéetel ku kʼáatik ka taalak u Reinoeʼ yaan u kʼamik yaʼab utsiloʼob. Wa ka kanik baʼax ku yaʼalik le Biblia yoʼolal u Reino Dioseʼ mix bikʼin kun yaatal a wóol. (Xok Lucas 18:16, 17; Juan 4:23.)
Maʼ xaaneʼ jeʼel u yutstal xan ta wicheʼ
BAʼALOʼOB KU NÚUKAʼAL TEʼ BIBLIAOʼ
¿Baʼax ken u beet u Reino Dios?
Ilawil baʼax ken u beet u Reino Dios kéen gobernarnak way Luʼumeʼ.
LE MÁAX KU KANANOʼ
U Reino Dios: ¿baʼax ken u beet ta woʼolal?
Jeʼel u páajtal k-aʼalikeʼ teech ken a yéeye.
