Tiʼ u testigoʼob Jéeobaeʼ, ¿yaan wa junpʼéel lista tuʼux ku yaʼalik máakalmáak le películaʼob, le kʼaayoʼob yéetel le libroʼob maʼ maʼalobtakoʼ?
Maʼatech. Minaʼantoʼon mix junpʼéel lista ku yaʼalik le baʼaloʼob beyoʼ. ¿Baʼaxten?
Le Bibliaoʼ ku yaʼalikeʼ tuláakloʼon unaj k-kanik k-kʼaj óoltik baʼax maʼalob bey xan baʼax kʼaas (Hebreos 5:14).
Teʼ Bibliaoʼ yaan tekstoʼob jeʼel u yáantkoʼon k-il baʼax yéetel jeʼel k-náaysik k-óoleʼ. a Toʼoneʼ taak k-beetik baʼax ku yaʼalik Efesios 5:10, le tekstoaʼ ku yaʼalik: «Seguernak a jach ilkeʼex baʼax maʼalob tu táan Yuumtsil».
Le Bibliaoʼ ku yaʼalikeʼ Dioseʼ u tsʼaamaj le taatatsil utiaʼal ka u nuʼukt u familiaoʼ. Le oʼolal tiʼ letiʼob yaan u derechoil u yaʼalikoʼob baʼax maʼ unaj u beetaʼal tumen le máaxoʼob yaan ichil u yotochoʼ (1 Corintios 11:3; Efesios 6:1-4). Chéen baʼaleʼ teʼ múuchʼuliloʼ tiʼ mix máak yaan u derechoil u yaʼalik baʼax películail, kʼaayil yéetel baʼax artistail maʼ unaj u yilaʼaliʼ (Gálatas 6:5).
a Por ejemploeʼ le Bibliaoʼ ku yaʼalikeʼ maʼ maʼalob jeʼel baʼaxak yaan yil yéetel espiritismo, núupkʼeban bey xan yéetel u beetaʼal loob (Deuteronomio 18:10-13; Efesios 5:3; Colosenses 3:8).
Maʼ xaaneʼ jeʼel u yutstal xan ta wicheʼ
LE PAALALOʼOBOʼ TAAK U YOJÉELTIKOʼOB
¿Jeʼel wa u páajtal in wuʼuyik jeʼel baʼaxak paaxileʼ?
Unaj u kanik máak u yéey baʼax paaxil ken u yuʼube wa maʼeʼ jeʼel u afectartik máakeʼ.
DIBUJOʼOB KU PÉEKOʼOB
¿Táan wa u controlarkech le videojuego’obo’?
Kex maʼ kʼaas u báaxtaʼal videojuegoʼobeʼ kʼaʼabéet u kanáantkuba máak. ¿Baʼax jeʼel a beetik utiaʼal maʼ u controlarkecheʼ?
U KAʼANSAJ LE BIBLIAOʼ
Kʼáat ka tsʼaʼabaktech xook
Kʼáat ka tsʼaʼabaktech xook yéetel le Bibliaoʼ, ilawil bix jeʼel a beetik le baʼax ka kanikoʼ.