LECCIÓN 35
Ximodo zanda guicaanu decisión jneza
Guiranu nga ricaanu decisión. Peru intiica decisión guicaanu zanda gacané ni o guniná ni laanu ne laaca zanda guchiña ni o guxheleʼ ni laanu de Jehová. Zanda guicaanu decisión casi paraa chindézanu, ximodo guni ganarnu bueltu, pa zachagananu o pa coʼ. Pa guicaanu decisión jneza la? zacaneni laanu guibáninu nayecheʼ ne gusiéchenu Jehová.
1. ¿Ximodo zanda gacané Biblia lii guicaaluʼ decisión jneza?
Ante guicaaluʼ xiixa decisión, gunabaʼ Jehová gacané lii. Biiyaʼ xi rusiidiʼ Biblia de laani (biindaʼ Proverbios 2:3-6). Nuu tiru la? maca cá xi naquiiñeʼ o xi cadi naquiiñeʼ gúninu. Ne ni jma galán nga guzúʼbanu diidxaʼ.
¿Laga ora cadi cá lu Biblia xi peʼ naquiiñeʼ gúniluʼ yaʼ? Neca zacá, zacané Jehová lii guidxélaluʼ «gunáʼ nga neza ra naquiiñeʼ saluʼ» (Isaías 48:17). ¿Ximodo yaʼ? Rudiibe laanu principiu ni racané laanu guiénenu ximodo riníʼ íquebe ne xi runi sentirbe. Ne ora guidúʼndanu xiixa relatu zeeda lu Biblia, riénenu ximodo riníʼ ique Jehová ne xi runi sentir. Ndiʼ nga ni chigacané laanu guicaanu decisión jneza.
2. ¿Xi caquiiñeʼ gúniluʼ ante guicaaluʼ xiixa decisión?
Biblia ná: «Ti binni nuu xpiaaniʼ la? riníʼ ique ante guni xiixa» (Proverbios 14:15). Nga runi, ante guicaaluʼ xiixa decisión la? biiyaʼ xiruʼ zanda gúniluʼ. Guníʼ ique ndiʼ: «¿Xi principiu zanda chinandaʼ? ¿Ñee zuchiiñaʼ conciencia stinneʼ naa pur ni chiguneʼ riʼ la? ¿Ñee zacaneni o zuninani xcaadxi binni la? ¿Ñee zusiecheʼ Jehová pur decisión ni guicaaʼ la?» (Deuteronomio 32:29).
Napa Dios derechu gabi laanu xii nga ni jneza ne ni cadi jneza. Ora guiziidiʼ chaahuinu ne chinándanu ca ley ne ca principiu stibe, rápanu ti conciencia nayá. Conciencia ca nga xiixa ni rabi laanu pa jneza ni cayúninu o pa coʼ (Romanos 2:14, 15). Ne pa maʼ bisíʼdinu conciencia stinu guni ni jneza la? zacaneni laanu guicaanu decisión jneza.
GUIZÍʼDIRUNU JMA
Guidúʼyanu ximodo zanda gacané ca principiu ni zeeda lu Biblia laanu ne conciencia stinu ora chiguicaanu xiixa decisión.
3. Bidii lugar gacané Biblia lii
¿Ximodo zanda gacané ca principiu ni zeeda lu Biblia laanu para guicaanu xiixa decisión yaʼ? Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
-
¿Xi regalu risaca maʼ bidii Jehová laanu?
-
¿Xiñee rudii Jehová lugar cuinu xi gúninu?
-
¿Xi maʼ bidii Dios laanu para cuinu xii nga ni jma jneza gúninu?
Para gúʼyatu ti principiu zeeda lu Biblia, laguundaʼ Efesios 5:15, 16. De racá laguiníʼ ximodo zanda iquiiñetu «tiempu stitu jneza» para...
-
... gúʼndatu Biblia guiráʼ dxi.
-
... gápatu ti familia nayecheʼ.
-
... cadi guiaadxatu reunión.
4. Bisiidiʼ conciencia stiluʼ gacané lii gúniluʼ ni jneza
Ora cá lu Biblia xi peʼ naquiiñeʼ guni ti binni, qué raca nagana para laa guni ni jneza. Peru ¿ora cadi cá xi peʼ naquiiñeʼ guni binni yaʼ? Laguuyaʼ VIDEU riʼ ne laiquiiñeʼ pregunta riʼ para güitu diidxaʼ:
-
Casi bihuinni lu videu riʼ, ¿xi biʼniʼ hermana riʼ para gusiidiʼ conciencia stiʼ gacané laa guicaa ti decisión ni chuulaʼdxiʼ Jehová?
¿Xiñee cadi naquiiñeʼ guinábanu tuuxa gabi laanu xi peʼ naquiiñeʼ gúninu? Laguundaʼ Hebreos 5:14 ne laiquiiñeʼ ca pregunta riʼ para güitu diidxaʼ:
-
Neca jma nagueenda nga guinábanu tuuxa gabi laanu xi peʼ naquiiñeʼ gúninu, ¿xiñee jma galán cada tobi guʼyaʼ xii nga ni jma jneza guni?
-
¿Xi zanda gacané laanu para gusíʼdinu conciencia stinu ti gacaneni laanu gúninu ni jneza yaʼ?
Cásica racané ti mapa laanu gánnanu pa neza chuunu; zacaca zanda gacané conciencia stinu laanu para gánnanu xi gúninu.
5. Biʼniʼ respetar conciencia stiʼ xcaadxi binni
Cumu maʼ gadxé nga cada tobi de laanu la? gadxé gadxé modo riníʼ íquenu. ¿Ximodo zanda gusihuínninu runi respetarnu conciencia stiʼ xcaadxi binni yaʼ? Guidúʼyanu chupa ejemplu.
Primé ejemplu: Ti hermana ni riuulaʼdxiʼ guidiee lú bidxaa ti congregación ra nuu stale hermana ni qué riuulaʼdxiʼ guidiee lú binni.
Laguundaʼ Romanos 15:1 ne 1 Corintios 10:23, 24, ne laiquiiñeʼ ca pregunta riʼ para güitu diidxaʼ:
-
Pur ni bidúʼndanu lu ca versículo riʼ, ¿xii nga jma jneza guni hermana riʼ? ¿Lii yaʼ? ¿Xi ñúniluʼ pa zuchiiñaʼ conciencia stiʼ tuuxa pur ni chigúniluʼ?
Guiropa ejemplu: Ti hermanu ni nanna ruzeeteʼ Biblia gastiʼ naca gueʼ binni caadxi, peru maʼ biʼniʼ decidirbe cadi guebe nin caadxi. Ti dxi biʼniʼ invitárcabe laabe ti conviviu ne biiyabe cayéʼ caadxi hermanu.
Laguundaʼ Eclesiastés 7:16 ne Romanos 14:1, 10, ne laiquiiñeʼ ca pregunta riʼ para güitu diidxaʼ:
-
Pur ni bidúʼndanu lu ca versículo riʼ, ¿xii nga jma jneza guni hermanu riʼ? ¿Lii yaʼ? ¿Xi ñúniluʼ pa ñuuyaluʼ cayuni tuuxa xiixa ni qué rúniluʼ purtiʼ ruchiiñaʼ conciencia stiluʼ?
¿Xi caquiiñeʼ gúniluʼ ante guicaaluʼ xiixa decisión?
1. Gunabaʼ Jehová gacané lii gánnaluʼ xii nga ni jma jneza gúniluʼ (Santiago 1:5).
2. Biiyaʼ xi rusiidiʼ Biblia ne ca publicación ca para gúʼyaluʼ xi principiu zanda chinándaluʼ. Laaca zanda guinabadiidxaluʼ tuuxa xpinni Cristu ni napa experiencia.
3. Guníʼ ique pa pur ni chigúniluʼ zuchiiñaʼ conciencia stiluʼ ne conciencia stiʼ xcaadxi binni.
NUU TU NÁ: «Nápaluʼ derechu gúniluʼ ni gápaluʼ gana. ¡Cadi gulábiluʼ ni ná binni!».
-
¿Xiñee risaca guiníʼ íquenu ximodo zuni sentir Dios ne binni ante gúninu xiixa?
XI BIZÍʼDINU
Para ganda guicaanu ti decisión jneza la? caquiiñeʼ gánnanu xi riníʼ ique Jehová de ni chigúninu ne pa zacaneni o zuninani xcaadxi binni.
Xi biziidiluʼ
-
¿Xi zanda gacané lii para ganda guicaaluʼ ti decisión ni chuulaʼdxiʼ Jehová?
-
¿Xi zanda gúniluʼ para gusiidiluʼ conciencia stiluʼ ganna gunáʼ nga ni jneza?
-
¿Ximodo zanda gusihuínniluʼ runi respetarluʼ conciencia stiʼ xcaadxi binni?
BIIYAʼ XIRUʼ ZANDA GUIZIIDILUʼ
¿Xi zanda gacané laanu guicaanu xiixa decisión ni guchiña laanu jma gaxha de Dios?
«Quixhe íquenu gúninu ni gusisaca Dios» (Torre stiʼ ni rapa, 15 de abril de 2011)
Biiyaʼ ximodo rudii Jehová conseju laanu.
Biiyaʼ xi gucané ti hombre guicaa ti decisión nagana.
Biiyaʼ xi zanda gúniluʼ para gusiécheluʼ Jehová neca cadi cá lu Biblia xi peʼ nga naquiiñeʼ gúniluʼ.
«¿Ñee caquiiñeʼ peʼ chuʼ ti ley para guiráʼ cosa la?» (Torre stiʼ ni rapa, 1 de diciembre de 2003)
Laaca zándaca ziuuláʼdxiluʼ ca ndiʼ
CANI NABÉ RINABADIIDXAʼ BINNI
¿Ximodo runi estudiarné ca testigu stiʼ Jehová binni Biblia?
Zanda gacané ca testigu sti’ Jehová lii guiénelu’ Biblia jma nagueenda ne zanda iquiiñelu’ Biblia ni jma riuulá’dxilu’. Laaca zanda guni invitarlu’ familia stilu’ o tuuxa xhamígulu’.
