Gueelaʼ ante gatiʼ Jesús biʼniʼ mandarbe ca discípulo stibe guietenalaʼdxicaʼ guendaguti stibe. Biquiiñebe ti pan sin levadura ne vinu tintu ni zuhuaa lu mexaʼ que para gulaquistibe ni runibiáʼcabe casi Guendaroxhi stiʼ Señor. De raqué gúdxibe laacaʼ: «Laguni casi cayuni nu riʼ para guietenaladxi tu naa» (Lucas 22:19).

Guiráʼ iza ca testigu stiʼ Jiobá ridagulisaadu para guietenaláʼdxidu guendaguti stiʼ Cristu. Iza riʼ zúnidu ni lunes 14 stiʼ abril, guiaziʼ si Gubidxa.

Cayuni invitardu lii cheluʼ guendaridagulisaa riʼ ra zusiénecabe xiñee nabé risaca guendaguti stiʼ Jesús. Qué ziaxa diʼ para chuʼ binni. Pa racalaʼdxiluʼ gánnaluʼ pora ne paraa chigaca guendaridagulisaa riʼ la? gunabadiidxaʼ binni ni bidii lii revista riʼ o biiyaʼ lu sitiu ni nápadu lu Internet jw.org. Bicaa fecha chigácani ca para cadi guiaandaʼ ni lii. Ribézadu ganda chuʼluʼ né laadu dxi ca.