Jeobá rheenheneʼ lueʼ gombhelhoneʼ chhiaʼ. Bixhkieʼ. Lheʼ Dios rbezeʼ katiʼ chi zeaj rhombhelhoneʼ yekebelhoʼ bi beneʼ nakeʼ, nákaʼ rhonheʼ derha lhen ta nozueʼ gonhe, másrhe yeenhelho gákalho amigo kieʼ. A tabalase wazeke gákarha amigo ki Dios. (Blaba Salmo 25:​14). Nobí rhala gonloʼ lueʼ na ichhin gákalho amigo kieʼ. Lo Biblia rhochhiʼ derha taní na rnhe bixhkieʼ tan suarha gagodzo lhen Jeobá naka kierha ta másrhe zaakaʼ.

1. Bi rhee lueʼ Jeobá

«Lesua gago lhen Dios na leʼ sue gago lhen leʼn» (Santiago 4:8). Nobí rhenheinhe didzaʼ ni. Rhenheinhe Jeobá rledzeʼ lueʼ gákalho amigo kieʼ. Balakeʼ rhonhe lheke zeedi ichhin gákake amigo ki to beneʼ ku rlekeneʼ, na tan gákake amigo ki Dios besla rhonke kuenda. Leke noneʼ kierha Biblia ga rguixhajeʼ derha ta rhala inezerha ki bi beneʼ nakeʼ na kan suarha gago lhen leʼ. Katiʼ rlabarha lo Biblia ta rhee rhoʼo Dios rzuarha másrhe gagodzo lhen leʼ nikla be rhaka ilerhane.

2. Bixhkieʼ Jeobá nakeʼ amigo chhiatherhe wazeke gápalho

Benho zuá rheke lueʼ ka Jeobá. Leʼ rzelachhie sualho yatzayolaj na uledzalone batatheslha rkinhelho. Waka «yokanloʼ loneeʼ derha ta rhebanhelo» lheʼ leʼ rhebanheneʼ nia kioʼ (1 Pedro 5:7). Jeobá tolizi zekuase gonhe yodarhi, yoexhenhe lhen uzenagueʼ ki amigos kieʼ (blaba Salmo 94:​18, 19).

3. Bi rbeza Jeobá ki amigos kieʼ

Nikla Jeobá rhekeneʼ yogothe beneʼ, «zuarhe másrhe gago lhen beneʼ rhonke tawen» (Proverbios 3:​32). Jeobá rbezeʼ amigos kieʼ solhoke gonke ta leʼ rlenhe wen na be gonke ta leʼ rlenhe malha. Nakalha balakeʼ rhonke kuenda bebata ichhin gonke kateka rbeza Jeobá. Sanlhe leʼ nakeʼ beneʼ rheajnie na rzieʼ yogothe beneʼ tabalase rhekikeneʼ leʼ lhen rhonke gazelho rzekikene ta rheyolachhie (Salmo 147:​11; Hechos 10:​34, 35).

 KSEEDIRHA MÁSRHE KI TANÍ

4. Abrahán gokeʼ amigo ki Jeobá

Kaʼ rtzalaj lo Biblia ki Abrahán (lhezekan rzilaweʼ Abrán) rhon rhoʼo yodarhi yekeberha nobí nuanacheʼ gákarha amigo ki Dios. Le ulaba ki Abrahán lo Génesis 12:​1-4 na le ktzalaj ki taní:

• Bi unaba Jeobá ki Abrahán.

• Bi banheza unhe Jeobá udegueʼ ki Abrahán.

• Nobí bhen Abrahán katiʼ unezeneʼ tan rheenhe Jeobá gonhe.

5. Ta rnaba Jeobá ki amigos kieʼ

Yogotherha zuá bi rbezarha ki amigos kierha.

• Bi rbezalo lueʼ ki amigos kioʼ.

Le ulaba 1 Juan 5:3 na le ktzalaj ki taní:

• Bi rbeza Jeobá ki amigos kieʼ.

Na seke gzenagarha ki Jeobá, nakalha rkin ktzaarha kaʼ rzordarha o kaʼ rhonrha. Le ulaba Isaías 48:​17, 18 na le ktzalaj ki taní:

• Bixhkieʼ Jeobá rnabe ki amigos kieʼ ktzaake kaʼ rhonke.

 6. Ta rhon Jeobá nia ki amigos kieʼ

 TA CHI BYEDIERHA

Jeobá rheenheneʼ gákeʼ amigo kioʼ na gonhe lueʼ yodarhi ichhin sualho gago lhen leʼ.

A rhanelho

• Nákaʼ rhon yodarhi Jeobá amigos kieʼ.

• Bixhkieʼ rnaba Jeobá ki amigos kieʼ ktzaake kaʼ rhonke.

• A rhekelho taxhenthelha rbeza Jeobá ki amigos kieʼ. Bixhkieʼ rhonloʼ kuenda kan.