LECCIÓN 57
Bi gaka cheʼ kuaʼ to dolaxhguiaʼ xhen
Nikla rhekelho garheedzo Jeobá lhen rhonloʼ gazelho rzekelho na ku gonloneziʼ, dzesi katiʼ ixhinajelho. Sanlhe dia dolaxhguiaʼ xhenrhe kasla yezikalha (1 Corintios 6:9, 10) Che lueʼ koolho to dolaxhguiaʼ xhen, yajné laga tan na Jeobá ksanhe tan rhekene lueʼ; Leʼ zekuase na sixhenheʼ kioʼ lhen gakalhenhe lueʼ.
1. Bi nekin gonrha na Jeobá sixhenheʼ kierha
Katiʼ to beneʼ rhekene Jeobá rhekebene glueʼ to dolaxhguia xhen, rzuayechigaze. Sanlhe Jeobá rheyoexhenhe yikiajlawe lhen tan gochhie yechhi kieʼ: «Nikla dolaxhguiaʼ kielhe naka xhnarhenguiʼ, weyaka xhnolha bezen» (Isaías 1:18). Cheʼ rhelenherha dolachhirha, Jeobá wezixhenheʼ kierha doneyaa. Bi nuanacheʼ yelenherha. Rhenheinhe rzuayechigaze rhoʼo ta malha rhonrha, ksanrha ta malha rhonrha na inabarha ki Jeobá sixhenheʼ kierha. Denhaʼ yotzaarha kaʼ rhonrha kuenda lhen ksanrha tan rhonrha ta rcheʼ rhoʼo koorha dolaxhguiaʼ, na yeyakarha beneʼ yeerhi lhen gonrha kaʼ rhaxhenhe Jeobá (blaba Isaías 55:6, 7).
2. Nákaʼ rgonhechhin Jeobá ka anciano na gonke rhoʼo yodarhi katiʼ rgorha dolaxhguiaʼ
Cheʼ nó rgoʼ to dolaxhguiaʼ xhen, Jeobá rdeʼ kieʼ consejoni: «Gledze’ ancianos dzake lo congregación» (blaba Santiago 5:14, 15). Jeobá nozue beneʼ ni na rhekekene Jeobá lhen bekoxhilha kieʼ. Lhekeʼ wazekekene gonkeʼ rhoʼo yodarhi na yezuakarha gago lhen Dios (Gálatas 6:1).
Nákaʼ rhonke rhoʼo yodarhi cheʼ rgorha to dolaxhguiaʼ xhen. Togue o chopake gonke rhoʼo yodarhi tzeajnierha lhen Biblia bixhkieʼ naka malha tan bhenrha, lhezekan gonake consejo chhiaʼ lhen gonke rhoʼo yodarhi na be kookarha dolaxhguiaʼ. Nakalha ancianos gzagake tochidoʼ gonrha bala ta rhaka lo congregación tzalaka yeyakarha . Cheʼ to beneʼ glueʼ to dolaxhguiaʼ xhen ku rhelenheneʼ, ancianos yibeajke leʼ na gonke sigorha congregación.
KSEEDIRHA MASRHE KI TANÍ
Bseedi lhen bsakaʼ ta rhon Jeobá na gonhe rhoʼo yodarhi katiʼ rgoorha dolaxhguiaʼ xhen.
3. Tan kixhajerha dolaxhguiaʼ kierha rhon rhoʼo yodarhi na yeyakarha
Bitithezi dolaxhguiaʼ xhen rgoorha rzuayechi Jeobá. Lhekaʼ rhala kixhajerha tan bhenrha. Le ulaba Salmo 32:1-5 na le ktzalaj ki taní:
-
Bixhkieʼ naka wen kixhajerha ki Jeobá dolaxhguiaʼ gloorha kasla ukachirha.
Laga kixhajesrha ki Jeobá dolaxhguiaʼ gloorha, lhezekan rhala kixhajerha ki ka anciano na gonke rhoʼo yodarhi yebeʼ tsabaʼ yikiajlorha. Le uyo VIDEO na le ktzalaj ki taní:
-
Nákaʼ bhenka anciano yodarhi Canon na yezuakeʼ gago lhen Jeobá.
Rhongazi bayochhi kixhajerha kon katekaʼ naka ki ka anciano lheʼ zekuasake kuenda gonke rhoʼo yodarhi. Le ulaba Santiago 5:16 na le ktzalaj ki taní:
-
Cheʼ kixhajerha ki ka anciano kon katekaʼ naka, a rhekelho wegon yolaj kieke gonke rhoʼo yodarhi. Bixhkieʼ.
Gdixhajeʼ kon katekaʼ naka ki ka anciano na uxhiʼ yodarhi rhona kioʼ Jeobá.
4. Bixhkieʼ rhebeajke to beneʼ lo congregación
Cheʼ to beneʼ chi glueʼ to dolaxhguiaʼ xhen lhen kurha rheenheneʼ uzenague tan rnaba Jeobá, kurha gaka gonhe tzaxhen lhen congregación. Lhekaʼ rhebeajke leʼ, lhen kurha rhonrha tzaxhen lhen leʼ na rsanrha tan rledzarhane. Le ulaba 1 Corintios 5:6, 11 lhen 2 Juan 9-11, na le ktzalaj ki taní:
-
Kase levadura rchhiaguiʼ idothe kua ki pan, a rhekelho weuchhiaguiʼ congregación cheʼ rhonrha tzaxhen to beneʼ rgoeʼ dolaxhguiaʼ ku rhelenheneʼ. Bixhkieʼ.
Beneʼ zian berhuajke, chi belaakakeʼ lo congregación. Bixhkieʼ. Lheʼ nikla uneza kieke, bhen lhekeʼ yodarhi na yeyonke kuenda. (Salmo 141:5). Le uyo VIDEO na le ktzalaj ki taní:
-
Nákaʼ bhen yodarhi Sonia tan bebeajke lhebi.
Katiʼ rhebeajke lhekeʼ, nákaʼ…
-
... rhonxhen ló Jeobá.
-
... rlueʼ Jeobá nakeʼ beneʼ wen lhen rhekene rhoʼo.
5. Jeobá rzixhenheʼ kierha cheʼ rhelenherha
Jesús bgonhenechin to parábola na gonhe rhoʼo yodarhi tzeajnierha nákaʼ rhaka ki Jeobá katiʼ to beneʼ rhelenheneʼ. Le ulaba Lucas 15:1-7 na le ktzalaj ki taní:
-
Bi ryedierha ki Jeobá lo parábolani.
Le ulaba Ezequiel 33:11 na le ktzalaj ki taní:
-
Nákaʼ rluerha rhelenherha.
Jeobá nakeʼ ka to pastor: zueʼ kuenda bekoxhilhadoʼ kieʼ.
BALAKEʼ RNHEKE: «Rdzebaʼ ktzalajlhenha ancianos. Cheʼ kixhajea tan bhenha, weyebeajke nhedia».
-
Nobí yeelho to beneʼ rhonhe kuenda kan.
TA CHI BYEDIERHA
Nikla koorha to dolaxhguiaʼ xhen, cheʼ rhelenherha tabalase lhen ktobilachhirha kurha gonrha kan, Jeobá wezixhenheʼ kierha.
A rhanelho
-
Bixhkieʼ naka wen kixhajerha ki Jeobá dolaxhguiaʼ gloorha.
-
Bi rhala gonrha na Jeobá sixhenheʼ dolaxhguiaʼ kierha.
-
Cheʼ gloorha dolaxhguiaʼ xhen, bixhkieʼ rhala inabarha yodarhi ki ka anciano.
BYEDIE MÁSRHE
Byo nákaʼ bhen yodarhi to beneʼ yelarheyechilachhi ki Jeobá.
Nákaʼ rhon yodarhi katiʼ rhebeajke to beneʼ.
«Katiʼ rhebeajke to beneʼ: rlueke yelarheke» (La Atalaya, 15 ki abril ki 2015)
Byedie nákaʼ kixhajeloʼ bixhkieʼ ka testigo ki Jeobá rhebeajke to beneʼ.
Blaba nákaʼ to beneʼ gookene noʼ Jeobá yaxhie leʼ tayobla lo talí, «Bkindaʼ yezuakaʼ gago lhen Jeobá».
«Biblia btzaʼ yelaneban kieke» (La Atalaya, 1 ki abril ki 2012)
