LECCIÓN 1
¿Bi dille wen de par chhio?
1. ¿Bi dille wen nhape Dios par chhio?
Dios zelhalle deke benach sie banhez yelemban lhau yellʼlhiu. Por niche chhekde che benach bxie Yellʼlhiu nha yuge dan de lhawen. Ba zu galze yunite yuge den nsa yelezi par ka yugechho zichho banhez tu de wen de ze za. Blhab 1 Timoteo 2:3, 4.
Nitu bene shnabia ba bsakede yunite de malh, yillwe nha yelegut. Per de tu dille wen: ba zu galze, Dios yunite yuge ben shnabia yellʼlhiu nha uzue yeleunabia chie. Yell chie sue binlo nha bit utilelle yillwe. Blhab Apocalipsis (Revelación) 21:3, 4; 1 Corintios 15:24.
2. ¿Bixchen nhake de llialhau dille ki?
Par bit gatech yelezi, Dios chheyale yeke yuge bene malh nhite lhau Yellʼlhiu (Sofonías 2:3). ¿Nha bat gunhe denhi? Le Xtille Dios nyoj yuge den chhak nella den nsa yelezi par benach. Den chhak shluen deke ba zu galze Dios gunhe kan ba wnhe. Blhab 2 Timoteo 3:1-5.
3. ¿Bi chheyale gunchho?
Chheyale uzedchho Biblia par gumbiachho Dios, denhi nhaken ka tu cart de dzele tu xaʼ bixkuide por niche chhekde che bichie. Shnan nhak gunchho par zichho banhez yelemban chechho naʼ, nha bi chheyale gunchho par gapchho yelemban tushize de ze za. Dalikse lage yuge bene yebeide dek lhe uzedo Biblia. Per bit gu lhatj dek denhi yetinjden lhe, le de zan banhez yezio. Blhab Lucas 6:22, 23; Apocalipsis 14:6, 7.
Puede que también le interese
NHUXDE NHETO
¿Bixchen chheyale uzedchho Biblia?
Zan bene lla dolho Yellʼlhiu ba bezellelde le Biblia nhak chhollin de shnabde kuinhe. Chhaklhalleto uzedo lhen nheto Biblia par zio banhez.
