AmaHubo 26:1-12
ElikaDavide.
26 Ngahlulele Jehova, ngoba ngihambe ngobuqotho bami; +Ngithembele kuJehova ngaphandle kokunqikaza. +
2 Ngihlole Jehova, ungivivinye;Cwenga imicabango yami ejulile* nenhliziyo yami. +
3 Ngoba uthando lwakho oluqotho luphambi kwami njalo,Ngihamba eqinisweni lakho. +
4 Anginabungane* nabantu abakhohlisayo, +Ngiyabagwema labo abafihla lokho abayikho.*
5 Ngiyakuzonda ukuzihlanganisa nabenzi bokubi, +Angihlali nababi. +
6 Ngizogeza izandla zami ukuze ngibonise ubumsulwa bami,Ngizozungeza i-altare lakho, Jehova,
7 Ukuze ngikubonge ngezwi elizwakalayo, +Ngimemezele yonke imisebenzi yakho emangalisayo.
8 Jehova, ngiyayithanda indlu ohlala kuyo, +Indawo ehlala inkazimulo yakho. +
9 Ungangishabalalisi* kanye nezoni +Ungangibulali kanye nabantu abanobudlova,*
10 Abahlale beziphatha ngendlela ehlazisayo,Nabathanda ukwamukela isifumbathiso.*
11 Kodwa mina, ngizohamba ngobuqotho bami.
Ngikhulule, ungibonise umusa.
12 Unyawo lwami lumi endaweni ephephile; +Ebandleni elikhulu, ngiyomdumisa uJehova. +
Imibhalo yaphansi
^ Noma, “imizwa yami ejulile.” NgesiHebheru, “izinso zami.”
^ NgesiHebheru, “Angihlali.”
^ Noma, “Angizihlanganisi nabazenzisi.”
^ Noma, “Ungangisusi.”
^ Noma, “abachitha igazi.”
^ Noma, “Nabathanda ukufumbathisa.”
