IzAga 19:1-29
19 Kungcono ukuba mpofu kodwa uhambe ngobuqotho +Kunokuba isiphukuphuku ukhulume amanga. +
2 Akukuhle ukuba umuntu angabi nalo ulwazi, +Nowenza ngamawala* uyona.
3 Ngubuwula bomuntu obuhlanekezela indlela yakhe,Nenhliziyo yakhe ifuthekela uJehova.
4 Umcebo uheha abangane abaningi,Kodwa ompofu uyolahlwa ngisho nangumngane wakhe. +
5 Ufakazi wamanga ngeke ayekwe angajeziswa, +Nophafuza amanga ngeke aphunyuke. +
6 Baningi abafuna umusa wesicukuthwane,*Futhi wonke umuntu ungumngane womuntu onikana izipho.
7 Umuntu ompofu uzondwa yibo bonke abafowabo; +Yeka ukuthi abangane bakhe abamfuni kangakanani! +
Uyabalandela ebancenga, kodwa akekho osabelayo.
8 Noma ubani ozuza ukuhlakanipha* uzithanda yena. +
Noma ubani owazisa ukuqonda uyophumelela. *+
9 Ufakazi wamanga ngeke ayekwe angajeziswa,Nophafuza amanga uyoshabalala. +
10 Ukunethezeka akumfaneli oyisiphukuphuku;Kakhulu kangakanani-ke ukuba inceku ibuse izikhulu! +
11 Ukuqondisisa komuntu nakanjani kuyaludambisa ulaka lwakhe, +Futhi kungubuhle kuye ukushalazelela ukoniwa. *+
12 Ulaka lwenkosi lunjengokugwavuma kwebhubesi, *+Kodwa umusa wayo unjengamazolo ezintweni ezimilayo.
13 Indodana eyisiphukuphuku ilethela uyise ukuhlupheka, +Nomfazi othanda ingxabano* unjengophahla olulokhu luvuze njalo. +
14 Umuzi nomcebo kuyifa elivela kobaba,Kodwa umfazi onokuqonda uvela kuJehova. +
15 Ubuvila bubangela ubuthongo obujulile,Umuntu oyivila uyobulawa indlala. +
16 Ogcina umyalo ugcina ukuphila kwakhe; +Obudedengu ezindleleni zakhe uyokufa. +
17 Obonisa ophansi umusa uboleka uJehova, +Futhi Yena uyombuyisela* ngalokho akwenzayo. +
18 Yala indodana yakho lisekhona ithemba, +Ungabi nesandla ekufeni* kwayo. +
19 Osheshe acasuke uyohlawula;Uma uzama ukumsiza, kuyomelwe umsize njalo. +
20 Lalela iseluleko wamukele isiyalo, +Ukuze uhlakaniphe esikhathini esizayo. +
21 Maningi amacebo enhliziyweni yomuntu,Kodwa yintando* kaJehova eyokuma. +
22 Into efiselekayo kumuntu uthando lwakhe oluqotho; +Kungcono ukuhlupheka kunokuba umqambimanga.
23 Ukwesaba uJehova kuholela ekuphileni; +Umuntu omesabayo uyophumula kamnandi, angalinyazwa yilutho. +
24 Ivila lifaka isandla esitsheni,Kodwa alizihluphi ngisho nangokusibuyisela emlonyeni walo. +
25 Shaya umhleki wosulu + ukuze ongenalwazi ahlakaniphe, +Usole oqondayo ukuze andise ulwazi. +
26 Ohlukumeza uyise futhi axoshe uninaUyindodana ebanga amahloni nesihlamba. +
27 Ndodana yami, uma uyeka ukulalela isiyalo,Uyophambuka endleleni yolwazi.
28 Ufakazi ongelusizo lwalutho ubuhleka usulu ubulungisa, +Nomlomo wababi ugwinya ububi. +
29 Isahlulelo sigcinelwe abahleki bosulu, +Nenduku ibekelwe umhlane weziphukuphuku. +
Imibhalo yaphansi
^ Noma, “ngokuphamazela.”
^ Noma, “womuntu ophanayo.”
^ NgesiHebheru, “uyothola okuhle.”
^ NgesiHebheru, “inhliziyo.”
^ Noma, “isiphambeko.”
^ Noma, “kwebhubesi eliselincane elinomhlwenga.”
^ Noma, “oyisicefe; obeleselayo.”
^ Noma, “uyomvuza.”
^ Noma, “Ungafisi ukufa.”
^ Noma, “injongo; iseluleko.”
