INGABE LAKLANYWA?
Iphiko Lovemvane
IZIMPIKO zovemvane zintekenteke kangangokuba ngisho nothuli nje olungatheni noma imikhemezelo ingenza ukuba kube nzima ukundiza. Noma kunjalo, lezi zimpiko zihlale zomile futhi zihlanzekile. Iyini imfihlo yovemvane?
Iphiko lovemvane linamazenga amancane aleken
Cabanga ngalokhu: Abacwaningi eNyuvesi yase-Ohio ababecwaninga ngovemvane okuthiwa yi-Giant Blue Morpho bathola ukuthi nakuba izimpiko zalesi sinambuzane zibonakala zibushelelezi ngamehlo enyama, zembozwe amazenga amancane alekene njengokhethe lokufulela indlu. Imisedlana ekula mazenga yenza ukuba ukungcola namanzi kumane kuziwele. Onjiniyela bafuna ukulingisa ukwakheka kwaleli phiko, ukuze benze upende osezingeni eliphezulu abapenda ngawo emishinini esetshenziswa ezinkampanini nesetshenziswa kwezokwelapha ukuze le mishini ingabambi ukungcola futhi ingangenwa amanzi.
Iphiko lovemvane lingesinye sezibonelo sezindlela ososayensi abazama ngazo ukulingisa imiklamo etholakala ezintweni eziphilayo. Umcwaningi uBharat Bhushan uthi, “Indalo igcwele imiklamo emangalisayo, kusukela kwemincane kuya kwemikhulu eye yathinta isintu amakhulu eminyaka.”
Ucabangani? Ingabe iphiko lovemvane laba khona ngokuziphendukela kwemvelo noma ingabe laklanywa?
Okunye Ongase Ukuthande
PHAPHAMA!
Amagobolondo Ezilwane Zasolwandle
Indlela amagobolondo ezilwane zasolwandle ame ngayo iwasiza ukuba avikele izilwane ezingaphakathi kuwo.
PHAPHAMA!
Umbala Oluhlaza Okwesibhakabhaka We-Pollia Berry
Lesi sithelo sibukeka sinombala oluhlaza okwesibhakabhaka ogqame kunowazo zonke izitshalo. Noma kunjalo, isikhumba saso asinawo umbala. Pho yini eyenza sibonakale sinombala omuhle kangaka?
PHAPHAMA!
Uboya Bomthini Wasolwandle
Ezinye izilwane ezincelisayo ezihlala emanzini abandayo zinamafutha awugqinsi ngaphansi kwesikhumba azigcina zifudumele. Umthini wasolwandle wona usebenzisa nenye indlela ewugcina ufudumele.
PHAPHAMA!
Indlela Inyosi Ehlala Ngayo Entweni Endizela Kuyo
Yini eyenza leli khono layo lifaneleke kakhulu lapho kwenziwa izinhlelo zokuqondisa amarobhothi andizayo?
PHAPHAMA!
Isikhumba Esivikela Intuthwane Ecwebezelayo YaseSahara Ekushiseni
Lesi silwanyana esingavamile singesinye sezilwane ezihamba phansi ezaziwa ngokubekezelela ukushisa. Yini esenza sikwazi ukumelana nokushisa okukhulu?
PHAPHAMA!
Izinsephe Zembaza Yasolwandle
Izimbaza zasolwandle zibambelela entweni zisebenzisa izinsephe. Ukuqonda indlela ezisebenza ngayo kungasiza ekuklameni izindlela ezintsha nezingcono zokuxhuma imishini ezakhiweni nokuhlanganisa imisipha namathambo.
